പത്ത് ശതമാനം അധ്യാപകര്‍ കവര്‍ന്നെടുത്ത അധ്യാപക-പരിശീലന രംഗം

കേരളത്തിലെ തൊണ്ണൂറു ശതമാനം ബി എഡ് കോളേജ് അധ്യാപകരും NCTE   അംഗീകൃതമായ സ്വകാര്യ / സ്വാശ്രയ  ബി എഡ് കോളേജുകളില്‍ ആണ് പഠിപ്പിക്കുന്നത്‌. ഇവരില്‍ ഭൂരിപക്ഷം പേര്‍ക്കും UGC നിര്‍ദേശിച്ച യോഗ്യത (UGC-NET) ഉള്ളവര്‍ ആണ്  . പലര്‍ക്കും  വിദ്യാഭ്യാസത്തില്‍ ഡോക്ടരേട്ടും ഉണ്ട്. പത്തും ഇരുപതും വര്‍ഷമായി ഈ മേഖലയില്‍ ജോലി ചെയ്യുന്നവരാണ് പലരും. കുറഞ്ഞ വേതനം, ജോലി സ്ഥിരത ഇല്ലായ്ക, ആനുകൂല്യങ്ങളൊന്നും ഇല്ലായ്ക തുടങ്ങിയ പ്രധാന പ്രശ്നങ്ങള്‍ക്കുപരിയായി താഴെ പറയുന്ന പ്രശ്നങ്ങളും അവര്‍ അഭിമുഖീകരിക്കുന്നു. 

സര്‍ക്കാര്‍ ബി എഡ് കോളേജിലെ അധ്യാപക നിയമനത്തില്‍ സര്‍ക്കാര്‍ സ്കൂളുകളില്‍  ജോലി ചെയ്യുന്നവരെ മുഴുവനായും  പരിഗണിച്ചതിന് ശേഷം ബാക്കി ഒഴിവുവന്നാല്‍ മാത്രമേ പൊതു ഉദ്യോഗാര്‍ഥികള്‍ക്ക്   അവസരം നല്‍കുന്നുള്ളൂ. അതുമൂലം   സ്വകാര്യ/സ്വാശ്രയ കോളേജുകളിലെ എല്ലയോജ്യതകളും പ്രവര്‍ത്തിപരിചയവും  ഉള്ള പൊതു  ഉദ്യോഗാര്‍ഥികള്‍ക്ക് അവസരം  നിഷേധിക്കപ്പെടുന്നു. അതിനാല്‍ സര്‍ക്കാര്‍ ബി എഡ് കോളേജുകളില്‍ അധ്യാപക നിയമനത്തില്‍ കാറ്റഗറി I,II, എന്നീ രണ്ടു ലിസ്റ്റുകളും ഇടുന്നത് നിര്‍ത്തലാക്കി  പ്രസ്തുത തസ്തികകള്‍ മുഴുവന്‍ പൊതു  ഉദ്യോഗാര്‍ഥികള്‍ക്ക്  തുറന്നു കൊടുത്ത് ഈ കടുത്ത അന്യായം പരിഹരിക്കണം 

NCTE  അംഗീകൃത സ്വകാര്യ/സ്വാശ്രയ കോളേജുകളിലെ പ്രവര്‍ത്തിപരിചയം സര്‍ക്കാര്‍ / എയിടെഡ്  കോളേജുകളിലെ അധ്യാപക നിയമനത്തിന്, PSC യോ, യൂണിവേഴ്സിറ്റിയോ പ്രവൃത്തി പരിചയമായി ഇന്ന്  കണക്കാക്കുന്നില്ല. അതിനാല്‍ NCTE  അംഗീകൃത  സ്വകാര്യ/സ്വാശ്രയ കോളേജുകളിലെ യോഗ്യതകളുള്ള അധ്യാപകരുടെ  പ്രവര്‍ത്തിപരിചയം   സര്‍ക്കാര്‍/  എയിടെഡ്  കോളേജുകളിലെ പ്രവൃത്തിപരിചയത്തിനു   തുല്യമായി പരിഗണിക്കേണ്ടതാണ് 

ഇതുമൂലം സംസ്ഥാനത്തിലെ ലക്ഷക്കണക്കിന്‌ (ബഹു ഭൂരിപക്ഷവും)  ബി എഡ് കാരെ  പഠിപ്പിച്ച സ്വകാര്യ / സ്വാശ്രയ  കോളേജുകളിലെ അധ്യാപകര്‍ക്ക് നീതി ലഭിക്കുന്നതാണ്.

അവഗണിക്കപ്പെട്ട അധ്യാപകപരിശീലന രംഗം

അധ്യാപക പരിശീലന കോളേജുകള്‍ എന്നാല്‍ മാനേജുമെന്റുകള്‍ക്ക് പൈസ ഉണ്ടാക്കാന്‍ ഉള്ള സ്ഥാപനങ്ങള്‍ എന്ന പോലെയാണ് സര്‍ക്കാരിന്റെയും സമൂഹത്തിന്റെയും സമീപനം. എന്നാല്‍ അധ്യാപകരെ വാര്‍ത്തെടുക്കുന്നതില്‍ പ്രധാന പങ്കു വഹിക്കുന്ന ഈ സ്ഥാപനങ്ങള്‍ക്ക് വിദ്യാഭ്യാസ രംഗത്തിനെ കാര്യമായി സ്വാധീനിക്കാന്‍ കഴിയുമെന്ന കാര്യം അധികമാരുടെയും ചിന്താവിഷയം ആയിട്ടില്ല. എന്‍ .സി.ടി.ഇ. എന്ന സ്ഥാപനം അധ്യാപക പരിശീലന രംഗത്തിന്റെ നിലവാരം നിലനിറുത്തുവാന്‍ ഉണ്ടാക്കപ്പെട്ടിട്ടുള്ളതാണ് എന്നതൊഴിച്ചാല്‍ കേന്ദ്രസര്‍ക്കാരും ഈ രംഗത്തിന്റെ സാദ്ധ്യതകള്‍ പ്രയോജനപ്പെടുത്തുവാന്‍ മെനക്കെട്ടതായി തോന്നുന്നില്ല.

കേരളത്തില്‍ ഇന്ന് ഇരുന്നൂറ്റി ഇരുപതോ അതില്‍ കൂടുതലോ ബി.എഡ് കോളേജുകള്‍ നിലവിലുണ്ട്. അതില്‍ തൊണ്ണൂറു ശതമാനവും സ്വകാര്യ-സ്വാശ്രയ മാനേജുമെന്റുകള്‍ നടത്തുന്നവയാണ്. വെറും നാല് കോളേജുകള്‍ മാത്രമേ സര്‍ക്കാര്‍ സ്ഥാപങ്ങള്‍ ആയിട്ടുള്ളൂ. പതിനേഴോളം കോളേജുകള്‍ എയിടെഡ് കോളേജുകള്‍ ആണ്. ഈ പത്ത് ശതമാനം കോളേജുകളിലെ അധ്യാപകര്‍ക്ക് യൂ. ജി. സി. പ്രകാരം ഉള്ള ശമ്പളവും, പെന്‍ഷന്‍ തുടങ്ങിയ സര്‍ക്കാര്‍ ആനുകൂല്യങ്ങളും ലഭിക്കുമ്പോള്‍ ബാക്കി തൊണ്ണൂറു ശതമാനം കോളേജ് അധ്യാപരും കരാര്‍ അടിസ്ഥാനത്തില്‍ ജോലി ചെയ്യുന്നവരോ എപ്പോള്‍ വേണമെങ്കിലും പിരിച്ചു വിടപ്പെടാവുന്ന വ്യവസ്ഥയില്‍ ജോലി ചെയ്യുന്നവരോ ആണ്. മാസം പതിനായിരത്തിനും ഇരുപതിനായിരത്തിനും ഇടക്ക് ഒരു തുകയാണ് കോളേജുകള്‍ ഇവര്‍ക്ക് നല്‍കുന്നത്. മറ്റു ആനുകൂല്യങ്ങള്‍ ഒന്നും ഇല്ല. ഇവരെല്ലാം തന്നെ കുടുംബത്തിലെ മറ്റു അംഗങ്ങളെ ആശ്രയിച്ചാണ് ജീവിക്കുന്നത്.

ഒരു വിദ്യാഭ്യാസ സ്ഥാപനത്തിലെ ഏറ്റവും പ്രധാനപ്പെട്ട കാര്യം അവിടെ പഠിപ്പിക്കുന്ന അധ്യാപകര്‍ മികച്ചവര്‍ ആകണം എന്നതാണ്. നല്ല അധ്യാപകര്‍ ഉണ്ടെങ്കില്‍ സ്കൂളിന്റെ നിലവാരം തന്നെ മെച്ചപ്പെടും. വിദ്യാര്‍ഥികളുടെ ജീവിതത്തില്‍ ഏറ്റവും സ്വാധീനം ചെലുത്തുന്നവര്‍ എന്ന നിലയില്‍ അധ്യാപകര്‍ക്കുള്ള പങ്ക് വളരെ വലുതാണ്‌. നമ്മള്‍ ജീവിതാവസാനം വരെ ഓര്‍മയില്‍ സൂക്ഷിക്കുന്ന വ്യക്തികള്‍ ആണ് സ്കൂളില്‍ നമ്മളെ പഠിപ്പിച്ച അധ്യാപകര്‍ . ഈ അധ്യാപകരുടെ ഈറ്റില്ലം അന്ന് പറയാവുന്ന സ്ഥാപനമാണ്‌ ബി.എഡ് കോളേജ്. അവിടെ നിന്നും ലഭിച്ച പരിശീലനവും ആത്മബലവും എല്ലാ കാലത്തും അവരുടെ മനസ്സില്‍ ഉണ്ടാവും.

ബി.എഡ് കോളേജ് അധ്യാപകര്‍ അഥവാ അധ്യാപക പരിശീലകര്‍ വിദ്യാഭ്യാസത്തില്‍ ഉന്നത ബിരുദങ്ങള്‍ ഉള്ളവരും യൂ.ജി.സി., എന്‍ സി. ടി. ഇ. എന്നിവ കൂടാതെ സര്‍ക്കാരുകള്‍ അംഗീകരിച്ച യോഗ്യതകള്‍ കൂടി ഉള്ളവരാണ്. സയന്‍സ്, ആര്‍ട്സ്, കൊമേഴ്സ്‌ എന്നിവയില്‍ ബിരുദാനന്തര ബിരുദവും അതിനു പുറമേ വിദ്യാഭ്യാസത്തില്‍ ബിരുദാനന്തര ബിരുദവും ഇവര്‍ക്ക് നിശ്ചയമായും ഉണ്ടാവേണ്ടതുണ്ട്. കൂടാതെ യൂ.ജി.സി ലെക്ചര്‍ഷിപ്പ് (നെറ്റ്) പരീക്ഷയും പാസായിരിക്കണം. വിദ്യാഭ്യാസത്തില്‍ ഡോക്ടറേറ്റ്‌ ഉള്ളവരും കുറവല്ല.

എന്തൊക്കെയാണ് വിദ്യാഭ്യാസപരിശീലന രംഗത്തിനെ ബാധിക്കുന്ന പ്രധാന പ്രശ്നങ്ങള്‍ ? കാലാഹരണപ്പെട്ട പാഠൃ പദ്ധതി, കാലോചിതമായി പരിഷ്ക്കരിക്കാത്ത ടെക്സ്റ്റ് ബുക്കുകള്‍ ,  അധ്യാപകരുടെ കുറഞ്ഞ സേവന-വേതന വ്യവസ്ഥ, ഇവയെല്ലാം ആണ് പ്രധാനപ്പെട്ട കാരണങ്ങള്‍. ഉപജീവനത്തിനുള്ള വരുമാനം പോലും ശമ്പളമായി ലഭിക്കാത്ത അധ്യാപക പരിശീലന രംഗത്തേക്ക് വരാന്‍ ആരും തയ്യാറാകുന്നില്ല. പുരുഷന്മാര്‍ പത്ത് ശതമാനം പോലും ഈ രംഗത്തില്‍ ഇല്ല. തൊണ്ണൂറു ശതമാനവും സ്ത്രീകള്‍ ആണ് അധ്യാപക പരിശീലകര്‍. സ്ത്രീകള്‍ക്ക് പുരുഷന്മാരെ പോലെ മറ്റു സംസ്ഥാനങ്ങളിലേക്ക് ജോലി തേടി പോകാന്‍ എളുപ്പമല്ല. ഭര്‍ത്താവിന്റെ വരുമാനം ആശ്രയിച്ചാണ് ഇവരെല്ലാം തന്നെ ജോലി ചെയ്യുന്നത്. മലയാളത്തില്‍ 

അധ്യാപകരുടെ അധ്യാപകര്‍ ചൂഷിതര്‍: വിദ്യാഭ്യാസം എങ്ങിനെ മെച്ചപ്പെടും?

സര്‍വകലാശാല കോണ്ട്രാക്റ്റ് അടിസ്ഥാനത്തില്‍ അധ്യാപകരെ വച്ച് വിദ്യാഭ്യാസകച്ചവടം നടത്തുന്നു. യു.ജി.സി. നെറ്റ് ഉണ്ടെങ്കില്‍ കിട്ടുന്നത് വെറും രൂപ പന്ത്രണ്ടായിരം. എപ്പോ വേണമെങ്കിലും പിരിച്ചു വിടാം.ഒരു ആനുകൂല്യവും ഇല്ല. മെഡിക്കല്‍, പെന്‍ഷന്‍, maternity ഒന്നും കൊടുക്കേണ്ട. ഇതാണ് UGC കാരുടെ സ്ഥിതി..

പ്രൈവറ്റ് സ്കൂളുകളുടെ അധ്യാപക ചൂഷണം

https://www.facebook.com/photo.php?fbid=3153624329624&set=a.1369248361340.50670.1535659546&type=1&theater

സ്കൂള്‍ കലോത്സവം - അര്‍ദ്ധരാത്രി പിഞ്ചു കുഞ്ഞുങ്ങളുടെ നടനം!! ബാല പീഡനം

കുട്ടികളെ പീഡിപ്പിക്കരുത് എന്നത് നിയമമാണ്. എന്നാല്‍ പീഡനങ്ങള്‍ കുറെകൂടി വ്യക്തമാക്കി നിയമം ഉണ്ടാക്കണമായിരുന്നു.

കലോത്സവത്തില്‍ ആറു മണിക്ക് നടക്കേണ്ട നൃത്തം നടക്കുന്നത് അര്‍ദ്ധരാത്രി കഴിഞ്ഞ്. വെളുപ്പിന് മൂന്നു മണിക്ക് വരെ നൃത്തമത്സരം നടക്കുകയാണ്. ഒരു സമ്മാനം കിട്ടാന്‍ കൊതിക്കുന്ന കുട്ടികള്‍, അവരെ അതിനായി പ്രോത്സാഹിപ്പിച്ചു എത്തിച്ച മാതാപിതാക്കള്‍, സ്കൂള്‍ അധികൃതര്‍ എല്ലാരും ഉണര്‍ന്നിരിക്കുന്നു രാത്രി മുഴുവന്‍. കൊതുക് കടി ആണെങ്കില്‍ അസഹനീയം!

"അച്ഛാ, ഹാര്‍ട്ടിന്റെ വലിപ്പം എത്രയ"

എട്ടാം ക്ലാസില്‍ പഠിക്കുന്ന മോള്‍ ചോദിക്കുന്നു: "അച്ഛാ, ഹാര്‍ട്ടിന്റെ വലിപ്പം എത്രയ". സൂക്കേട്‌ മനസ്സിലായി എനിക്ക്. ഏതോ ജെനെറല്‍ നോലെട്ജ് പരീക്ഷ കഴിഞ്ഞു വരികയാണ്‌. ചോദ്യം സെറ്റ് ചെയ്ത പൊട്ടന്‍ മാഷിന്റെ ബുദ്ധിയില്‍ ഉദിച്ച ചോദ്യമാണിത്; മാഷ് ഏതോ ബുക്കോ ഇന്റര്‍നെറ്റ്‌ ഓ നോക്കി കണ്ടെടുത്തതാവാം. എന്തിനാണ് എട്ടാം ക്ലാസിലെ കുട്ടി ഹാര്‍ട്ടിന്റെ വലിപ്പം അറിയുന്നത് എന്ന് എത്ര ആലോചിച്ചിട്ടും പിടി കിട്ടിയില്ല. അതിനു ഉത്തരം എഴുതാത്ത കുട്ടി വിചാരിക്കുന്നത് അവള്‍ അത് പടിക്കഞ്ഞത് എന്തോ അവളുടെ കുറവാണു എന്നാണു. ഞാന്‍ പറഞ്ഞു: 'മോളെ, ജെനറല്‍ നോലെട്ജ് പടിക്കലെ; സമയം വേസ്റ്റ് ആക്കല്ലേ; അത് സമുദ്രം പോലെ കിടക്കുന്ന വിഷയം ആണ്; കര കാണാ കടല്‍. ആര്‍ക്കും എല്ലാ വിവരവും സ്വന്തം ആക്കാന്‍ പറ്റില്ല. ജെനറല്‍ നോലെട്ജ് എന്ന് വിളിച്ചു ഓരോരോ ചോദ്യങ്ങള്‍ എറിയുന്ന വിദ്വാന്‍ കുട്ടികളെ പറ്റിക്കുകയാണ്. ഇതൊക്കെ പഠിച്ചു അവര്‍ക്ക് ജോലി ഒന്നും കിട്ടാന്‍ പോകുന്നില്ല ഭാവിയില്‍. ജീവിതത്തിനു ആവശ്യമാ എന്തെങ്കിലും പഠിക്കാന്‍ ഉള്ള നേരത്ത് വേണ്ടാത്ത അറിവുകള്‍ കുത്തി കയറ്റാന്‍ ആണ് ചില കപട ബുദ്ധി ജീവികള്‍ ശ്രമിക്കുന്നത്. സമയം വിലപെട്ടതാണ്.

ജെനറല്‍ നോലെട്ജ് എന്ന് പറയുന്നത് സീരിയല്‍ കാണുന്നതിനെ കാളും കുട്ടികള്‍ക്ക് ദ്രോഹം ചെയ്യുന്ന ഒന്നാണ്. ഐ.യെ.എസ എഴുതാന്‍ പോകുന്നെങ്കില്‍ നോക്കിക്കൊള്ളൂ..എന്നാലും എന്തെങ്കിലും ഒരു ന്യായമായ വിവര മേഖലയില്‍ മാത്രമേ സമയം ചിലവഴിക്കാവൂ. ക്വിസ് മാസ്റ്റര്‍ എന്ന ദുഷ്ട ബുദ്ധി കുട്ടികള്‍ക്കായി ഒരുക്കി വച്ചിരിക്കുന്ന സമയം കൊള്ളിക്കു പിറകില്‍ പോവരുത്. ജെനറല്‍ നോലെട്ജ് എന്നതിനും വേണം ഒരു അതിര്‍ വരമ്പ്. ഒരു കരികുലം. എന്തും ചോദിച്ചു കുട്ടികളെ ബുദ്ധി മുട്ടിക്കുന്നത് എന്തിനാണ്. നിങ്ങളുടെ 'വിവരം' പ്രകടിപ്പിക്കാനോ? അതോ സാടിസ്സമോ?

ബി.എഡ് കച്ചവടം. യൂണിവേഴ്സിറ്റികള്‍ ആധുനിക മോതലാളിമാര്‍ !!

 യൂണിവേഴ്സിറ്റികള്‍  ആധുനിക മോതലാളിമാര്‍ !! സ്വകാര്യ മോതലളിമാര്‍ക്ക് അധ്യാപകരെ ചൂഷണം ചെയ്തു ലാഭം ഉണ്ടാക്കാന്‍ സഹായിക്കുന്ന ബുദ്ധികേന്ദ്രങ്ങള്‍!!
ഗുരുക്കന്മാരുടെ ഗുരുക്കന്മാര്‍ എന്നാല്‍ ബി.എഡ് കോളേജ് അധ്യാപകര്‍. അവരോ കൂലി തൊഴിലാളികള്‍. യൂണിവേഴ്സിറ്റികളുടെയും സ്വകാര്യ മോതലളിമാരുടെയും മതസ്ഥാപനങ്ങളുടെയും കൂടെ ജോലി ചെയ്യുന്ന അധ്യാപക തൊഴിലാളികള്‍ 

വിദ്യാഭ്യാസ കച്ചവടം എന്നാലെന്ത്? വിദ്യാഭ്യാസം വില്‍ക്കുക..കോഴി കച്ചവടം പോലെ... ലക്‌ഷ്യം ലാഭം മാത്രം.

ബി.എഡ് കോളേജുകള്‍ നടത്തിയാല്‍ മതി. ഗുരുക്കന്മാരെ പഠിപ്പിക്കുന്ന ഗുരുക്കന്മാരെ തുച്ചമായ കൂലിക്ക് കിട്ടാനുണ്ട്.

അവര്‍ക്ക് ശമ്പള വര്ധനവോ, ഡി.എ ഒന്നും കൊടുക്കേണ്ട.. എന്തെങ്കിലും കുറച്ചു കൊടുത്താല്‍ മതി..
പവിത്രത എന്നാ വാക്കിന്റെ അര്‍ഥം അറിയില്ല. ഗുരുത്വാകര്‍ഷണം എന്നാല്‍ എന്തെന്ന് അറിയാം, ഗുരുത്തം എന്നാല്‍ എന്താണ് എന്നറിയില്ല.

അല്ലെങ്കിലും ഗുരുകുല സമ്പ്രദായം ഒക്കെ കഴിഞ്ഞില്ലേ മാഷെ എന്നാകും മറുപടി.

പണ്ട് വിദ്യ കിട്ടാന്‍ അത്ര എളുപ്പം അല്ലായിരുന്നു. ഗുരുവിനെ തേടി അലയണം, പറയുന്നതെന്തും ദക്ഷിണ വയ്ക്കണം, ബ്രാഹ്മണ അല്ലെങ്കില്‍ ക്ഷത്രിയ കുലത്തില്‍ ജനിച്ചിരിക്കണം..അങ്ങിനെ പല കടമ്പകള്‍ കടന്നാലേ ഗുരുവിനെ കിട്ടൂ..

ഇന്നോ?

ഗുരുക്കന്മാര്‍ ശിഷ്യരെ തേടി അവരുടെ പിറകെ നടക്കുന്നു. പൈസ തരൂ, പഠിപ്പിച്ചു തരാം. ഏറ്റവും പൈസ കിട്ടുന്ന, ജോലി കിട്ടുന്ന തൊഴില്‍ പഠിപ്പിക്കാന്‍ കൂടുതല്‍ പൈസ..
ഇനി ഗുരുക്കന്മാര്‍ അങ്ങിനെ ചെന്നാല്‍ ഒന്നും ശിഷ്യരെ കിട്ടില്ല. ഏതെങ്കിലും മൊതലാളീടെ കൂടെ കൂടണം. മൊതലാളിക്കു   മാത്രമേ സ്ഥാപനം തുടങ്ങാന്‍ പൈസ ഉള്ളൂ. അവര്‍ക്ക് മാത്രമേ അംഗീകാരം കിട്ടൂ.. അപ്പൊ ഗുരുക്കന്മാരുടെ നില പരുങ്ങലില്‍ ആയി. മൊതലാളി ശിഷ്യര്‍ തരുന്ന പൈസ മുഴുവന്‍ അടിച്ചു മാറ്റും. എന്തെങ്കിലും കുറച്ചു ഗുരുവിനും കൊടുക്കും.
ഗുരുക്കന്മാര്‍ക്ക് കഷ്ടകാലമാണ്.. പ്രത്യേകിച്ചും പൈസ ഇല്ലാത്ത ഗുരുക്കന്മാര്‍ക്ക്. എയിടെഡ് കോളേജില്‍ പൈസ കൊടുത്താല്‍ സര്‍ക്കാര്‍ ശമ്പളം കിട്ടും. പെന്‍ഷനും കിട്ടും. വേണമെങ്കില്‍ രാഷ്ട്രീയത്തിലും ചേരാം. സര്‍ക്കാര്‍ കോളേജില്‍ പടിപ്പിക്കുന്നതിനെക്കാള്‍ സുഖം..ന്യൂന പക്ഷക്കാര്‍ക്ക് കുറെ കോളേജുകള്‍ ഉണ്ട്. അവര് പള്ളീം രാഷ്ട്രീയോം ഒക്കെ ആയി ഖജനാവിന്റെ പങ്കു പറ്റും.അതിനുള്ള സാമര്‍ത്ഥ്യം അവര്‍ക്കുണ്ട്. അവരുടെ കൂടെ കൂടിയാല്‍ ചിലപ്പോ നല്ലൊരു ഗുരു ജോലി തരാവും..

തൊണ്ണൂറു ശതമാനം ഗുരുക്കന്മാരും ഇപ്പൊ ഗുരുക്കികള്‍ ആണ്.. സ്ത്രീകള്‍..ഉന്നത വിദ്യാഭ്യാസം സ്ത്രീകള്‍ക്ക് കിട്ടി തുടങ്ങീട്ടു കാലം കുറെ ആയി. ഗള്‍ഫില്‍ ഒന്നും പോകാന്‍ പറ്റില്ലാലോ..സ്ത്രീയായി പോയില്ലേ.. എന്നാല്‍ വീട്ടില്‍ ഇരിക്കാനും പറ്റില്ല. എന്തെങ്കിലും ജോലി കിട്ടിയാലേ ഇന്നത്തെ കാലത്ത് ജീവിക്കാന്‍ പറ്റൂ..അപ്പൊ ഗുരു പണി തന്നെ ഉള്ളൂ.. അല്ലെങ്കില്‍ പിന്നെ സ്ത്രീകള്‍ മിക്കവരും നഗരം ശുചിയാക്കുന്ന പണിയില്‍ ആണ്... അതൊക്കെ സ്ത്രീകളുടെ പണിയാണല്ലോ പണ്ടേ..

ഗള്‍ഫില്‍ പോകാന്‍ പറ്റാത്ത ഉന്നത വിദ്യാഭ്യാസം ഉള്ള സ്ത്രീകള്‍ ഇഷ്ടം പോലെ.. മോതലാളിമാര്‍ക്ക് വിദ്യ കച്ചോടം പൊടി പൊടിക്കാം... കുറച്ചു ശമ്പളം കൊടുത്താല്‍ മതി..പെണ്ണുങ്ങള്‍ അല്ലെ..പിന്നെ ഇവറ്റകള്‍ക്ക് യൂണിയനും ഇല്ല..എത്ര വേണമെങ്കിലും കിട്ടും..പെന്‍ഷനും മെടിക്കളും ഒന്നും കൊടുക്കണ്ട. കഴുതകളെ പോലെ എന്തും ചെയ്തോളും..പിന്നെ ഇവറ്റകളെ മേക്കാന്‍ ഒരു സെക്ഷന്‍ ആപ്പീസറെ വച്ചാല്‍ മതി.. പണ്ട് പ്രിന്‍സിപ്പല്‍ ആയിരുന്നു സ്ഥാപനത്തിന്റെ തലവന്‍. ഇന്ന് ക്ലാര്‍ക്കന്മാര്‍ മതി. ഗുരുക്കന്മാര്‍ തെണ്ടി പരിഷകളെ മേക്കാന്‍ ഇവരെ പറ്റൂ..ഇപ്പൊ അങ്ങിനെയ

വിദ്യാഭ്യാസ കച്ചവടം എന്നാല്‍ അധ്യാപകരെ ചൂഷണം ചെയ്തു മുതല്‍ ഉണ്ടാക്കുന്ന കച്ചവടം എന്ന് വേണം മനസ്സിലാക്കാന്‍ 

അധ്യാപക പരിശീലകര്‍ക്ക് കേരളം രക്ഷയില്ല

കേരളത്തില്‍ വെറും നാല് ഗവണ്മെന്റ് ബി.എഡ് കോളേജുകള്‍ മാത്രമാണ് ഉള്ളത്. അവിടെ ജോലി കിട്ടിയാലേ സര്‍ക്കാര്‍ ശമ്പളവും സേവന വേതന വ്യവസ്ഥയും കിട്ടുകയുള്ളൂ. എന്നാല്‍ അവിടെ ജോലി കിട്ടുക അത്ര എളുപ്പം അല്ല. കാരണം പി.എസ്‌. സി. നടത്തുന്ന നിയമനത്തില്‍ ആദ്യം സര്‍കാരില്‍ തന്നെ ജോലി ചെയ്യുന്നവര്‍ക്കെ കൊടുക്കൂ. അവരാരും ഇല്ല എങ്കില്‍ മാത്രമേ ജനറല്‍ ഉദ്യോഗാര്‍ഥികളെ പരിഗണിക്കൂ. അങ്ങിനെ ഉണ്ടാവുക എളുപ്പം അല്ല.

പിന്നെ പതിനേഴു എയിടെഡ് കോളേജുകള്‍ ഉണ്ട്. അവിടെ ജാതി, മതം, പണം, സ്വാധീനം ഇതെല്ലം ഉള്ളവര്‍ക്കെ ജോലി കിട്ടൂ. സര്‍ക്കാര്‍ തന്നെയാണ് ഇവിടെയും ശമ്പളം കൊടുക്കുന്നത്. ടാക്സ് അടക്കുന്നവന്റെ പണം കൊണ്ട് ജാതി മത ഗ്രൂപ്പുകളെ സഹായിക്കുകയാണ് സര്‍കാരിന്റെ പണി.

ഇനി ഇരുന്നൂറോളം സ്വകാര്യ- സ്വാശ്രയ ടീച്ചര്‍ എജ്യൂകേശന്‍ കോളേജുകള്‍ ഉണ്ട്. അവിടെ പന്ത്രണ്ട് പതിനഞ്ചു ആയിരം രൂപ മൊത്തമായി നല്‍കും. വേറെ പെന്‍ഷനോ മെഡിക്കല്‍ എന്നിവ ഒന്നും നല്‍കില്ല. ജോലി സ്ഥിരതയും ഇല്ല.

ഭൂരിപക്ഷം ടീച്ചര്‍ മാറും പെണ്ണുങ്ങള്‍ ആണ്. ടീച്ചര്‍ എജ്യൂകേശന്‍ കൊല്ലെജുകളിലും ടീച്ചര്‍ മാര്‍ സ്ത്രീകള്‍ തന്നെ. സമരം ഒന്നും ഇല്ല. വേറെ ഗതിയില്ലാത്തവരെ ഇവിടെ വരൂ. ശമ്പളം കൂട്ടി ചോദിക്കാന്‍ പോലും ധൈര്യം ഇല്ല. ചോദിച്ചാല്‍ ജോലി പോകും എന്നത് മറ്റൊരു കാര്യം.

സ്വകാര്യ-സ്വാശ്രയ കോളേജുകളില്‍ ടീച്ചര്‍ മാര്‍ക്ക് കുറഞ്ഞ ശമ്പളം കൊടുത്താണ് ലാഭം ഉണ്ടാക്കുന്നത്. സ്ത്രീകള്‍ ആയതു കൊണ്ട് കൂടുതല്‍ സൌകര്യമാണ്.

ടീച്ചര്‍ മാര്‍ക്ക് പരിശീലനം കൊടുക്കുന്ന സ്ഥാപനങ്ങള്‍  ഇത്തരം കച്ചവട സ്ഥാപനങ്ങള്‍ ആയി മാറുന്നതില്‍ ആര്‍ക്കും പരാതിയില്ല. ഇവിടെ പഠിച്ചിറങ്ങുന്ന ടീച്ചര്‍മാര്‍ വിവരമില്ലാത്തവരായാലും അത്ഭുതം ഇല്ല. അതൊന്നും സര്‍കാരിന്റെ ബാധ്യതയല്ല എന്നാണ് സര്‍കാരിന്റെ നിലപാട്. പിന്നെ എം.എ. ബേബി എന്നാ ഒരു വിദ്യാഭ്യാസ മന്ത്രിക്ക് ഉള്ഘാടനങ്ങള്‍ കഴിഞ്ഞിട്ട് വേണ്ടേ മറ്റു കാര്യങ്ങള്‍?

യു. ജി.സി. യോഗ്യത ഉള്ള ബി. എഡ്. കോളേജ് അധ്യാപകര്‍ യു.ജി. സി സ്കെയിലില്‍ ശമ്പളം വാങ്ങാന്‍ സാധ്യത ഇല്ല. വെറും പത്തു ശതമാനം അധ്യാപകര്‍ക്കെ അത് ലഭിക്കുകയുള്ളൂ. അതില്‍ തന്നെ എട്ടു ശതമാനം അധ്യാപകരും പണവും സ്വാധീനവും ഉപയോഗിച്ച് ആയിടെദ് കോളേജുകളില്‍ കിട്ടുന്നവരും. യു. ജി. സി എന്നാ സ്ഥാപനം നിര്ത്തലാകേണ്ട സമയം ആയി.

ബി.എഡ്. കോളേജ് അധ്യാപകരെ ഒന്നിലും തൊടീക്കില്ല സര്‍ക്കാര്‍. ടീച്ചര്‍ മാരുടെ ഇന്‍ സര്‍വീസ് പരിശീലനതിനോന്നും ഇവരെ വിളിക്കില്ല. എന്നാല്‍ ഇവര്‍ ഇടുന്ന മാര്‍ക്കില്‍ സര്കാരിനും യൂനിവേഴ്സിട്ടിക്കും വിശ്വാസമാണ്. ഇവര്‍ ബി.എഡ്. കോഴ്സിന്റെ പരീക്ഷ സൂപ്പര്‍ വൈസര്‍മാരായും പേപ്പര്‍ നോക്കുന്നവരായും ഒക്കെ സര്‍കാരിന്റെ പണി ഏറ്റെടുക്കും.

അധ്യാപക പരിശീലന രംഗം ഉധരിക്കേണ്ട സമയം അതിക്രമിച്ചിരിക്കുന്നു.

അധ്യാപക പരിശീലനരംഗം മെച്ചപ്പെടുത്തുവാനും ബി.എഡ് അധ്യാപകരുടെ സേവന-വേതന വ്യവസ്ഥകള്‍ മെച്ചപ്പെടുത്തുവാനും സമര്‍പ്പിക്കുന്ന നിവേദനം

യൂനിവേഴ്സിറ്റി ബി.എഡ് സെന്ററുകളില്‍ അധ്യാപകരും പ്രിന്‍സിപ്പാള്‍മാരും ചൂഷണസമാനമായ സാഹചര്യങ്ങളില്‍ ആണു് ജോലി ചെയ്യുന്നത്. യൂനിവേഴ്സിറ്റി വിദ്യാഭ്യാസ പരിശീലന സെന്ററുകളില്‍  ബി.ഏഡ്. അധ്യാപകരുടെ ഇന്നത്തെ അവസ്ഥ:

• അധ്യാപകരുടെ ശമ്പളം:12,000 രൂപ (മൊത്തം); പ്രിന്‍സിപ്പാളിനു് ശമ്പളം: 15,000 രൂപ (മൊത്തം);
• വാര്‍ഷിക വര്‍ദ്ധന വെറും Rs.250/-. പത്തും പതിനഞ്ചും വര്‍ഷം പ്രവര്‍ത്തി പരിചയവും ഡോക്ടറേറ്റും ഉള്ള പ്രിന്‍സിപ്പാള്‍മാര്‍ക്ക് പോലും മാസ ശമ്പളം Rs.16500/- ല്‍ താഴെ.
• സേവനം കരാര്‍ അടിസ്ഥാനത്തില്‍. ജോലി സ്ഥിരത ഒട്ടും ഇല്ല
• സെന്ററുകളില്‍ അദ്ധ്യാപകരും പ്രിന്‍സിപ്പാളും കരാര്‍ അടിസ്ഥാനത്തില്‍ തുഛമായ വേതനം പറ്റുന്നവരാണു എങ്കിലും ലൈബ്രറിയന്‍, ക്ലാര്‍ക്ക്, പ്യൂണ്‍ എന്നിവര്‍ സ്ഥിരം ജീവനക്കാരാണു എന്നതാണു് കൗതുകകരമായ വസ്തുത.
• മെഡിക്കല്‍ ബെനിഫിറ്റ്, പ്രസവാവധി എന്നീ ആനുകൂല്യങ്ങള്‍ യാതൊന്നും ഇല്ല. അസുഖം ബാധിച്ചാല്‍ ശമ്പളവും ഇല്ല, ചികില്‍സാ ചിലവും ഇല്ല, ജോലിയും ഉറപ്പില്ല
• തൊണ്ണൂറു ശതമാനം അധ്യാപകരും ഉന്നത ബിരുദധാരിണികള്‍ ആയ വനിതകള്‍ ആണു്; മിക്കവരും യു.ജി.സി അധ്യാപക യോഗ്യത ഉള്ളവരും, ചിലര്‍ വിദ്യാഭ്യാസത്തില്‍ ഡോക്ടറേറ്റ് ഉള്ളവരും ആണു്.
• സര്‍ക്കാര്‍- എയിഡഡ് കോളേജുകളിലെ സ്ഥിര അധ്യാപകര്‍ക്ക് നല്‍ക്കുന്നത് പോലെ പ്രമോഷനോ “അസി. പ്രൊഫസ്സര്‍, പ്രൊഫസ്സര്‍, റീഡര്‍” തുടങ്ങിയ സ്ഥാനപ്പേരുകളോ നല്‍കുന്നില്ല.
• സെന്ററുകളില്‍ ഉള്ള പ്രവൃത്തി പരിചയം പി.എസ്.സി. നിയമനങ്ങള്‍ക്കും യൂണിവേഴ്സിറ്റി നിയമനങ്ങള്‍ക്കും യോഗ്യതയായി അംഗീകരിച്ചിട്ടു പോലും ഇല്ല.
• സര്‍ക്കാരിന്റെ വിദ്യാഭ്യാസ പരിഷ്കാരങ്ങളുടെ ഭാഗമായി നടപ്പാക്കുന്ന സര്‍വശിക്ഷാ അഭിയാന്‍, ഐ.ടി. അറ്റ് സ്കൂള്‍ തുടങ്ങിയ വിദ്യാഭ്യാസ രീതികള്‍ നടപ്പാക്കുന്നതിന്റെ ഭാഗമായി സര്‍ക്കാര്‍ നല്‍കുന്ന പരിശീലനത്തില്‍ ബി.ഏഡ്. അധ്യാപകരെ ഉള്‍പ്പെടുത്തിയിട്ടില്ല. ഇതു മൂലം അധ്യാപകര്‍ ആവാന്‍ പരിശീലനത്തിനെത്തുന്നവര്‍ക്ക് ആധുനിക പരിഷ്കാരങ്ങളെ കുറിച്ച് അറിവോ പരിശീലനമോ ലഭിക്കുന്നില്ല.

ആവശ്യങ്ങള്‍:

1. യൂണിവെഴ്സിറ്റിയുടെ ബി.എഡ് സെന്ററുകളില്‍ യോഗ്യത ഉള്ള ബി.എഡ്. അധ്യാപകര്‍ക്കും പ്രിന്‍സിപ്പാള്‍മാര്‍ക്കും യു.ജി.സി അനുശാസിക്കുന്ന സേവന-വേതന വ്യവസ്ഥകള്‍ നടപ്പാക്കുക.
2. യോഗ്യത ഉള്ള അധ്യാപകരെയും പ്രിന്‍സിപ്പാള്‍മാരെയും സ്ഥിരപ്പെടുത്തുക
3. സര്‍ക്കാര്‍ കോളേജുകളില്‍ നല്‍കുന്ന പോലെ “അസി. പ്രൊഫസ്സര്‍, പ്രൊഫസ്സര്‍, റീഡര്‍”  തുടങ്ങിയ തസ്തികകളിലേക്ക് പ്രൊമൊഷന്‍ നല്‍കുക
4. സെന്ററുകളില്‍ ഉള്ള പ്രവൃത്തി പരിചയം പി.എസ്.സി. നിയമനങ്ങള്‍ക്കും യൂണിവേഴ്സിറ്റി നിയമനങ്ങള്‍ക്കും യോഗ്യതയായി അംഗീകരിക്കുക
5. സര്‍ക്കാര്‍ സ്കൂള്‍ അധ്യാപകര്‍ക്ക് നല്‍കി വരുന്ന വിദ്യാഭ്യാസ പരിശീലന പരിപാടികളില്‍ പങ്കെടുപ്പിക്കുക.

കേരളത്തിലെ അധ്യാപകരുടെ ഈറ്റില്ലമായ ബി.എഡ്. വിദ്യാഭ്യാസ പരിശീലന കോളേജുകളുടെ നിലവാരം മെച്ചപ്പെടുത്തുന്നതിനായിട്ടും അതിലൂടെ കേരളത്തിലെ വിദ്യാഭ്യാസ രംഗത്തെ മൊത്തം അഭിവൃദ്ധിപ്പെടുത്തുവാനും  മേല്‍പ്പറഞ്ഞ പരിഷ്ക്കാരങ്ങള്‍ നടപ്പിലാക്കണം എന്ന് വിനീതമായി അഭ്യര്‍ഥിക്കുന്നു.

യൂനിവേഴ്‌സിറ്റി ബി.എഡ് സെന്ററുകളിലെ അധ്യാപകര്‍ക്ക് അവഗണന

http://www.madhyamam.com/news/108693/110813

(മാധ്യമം പത്രത്തില്‍ വന്ന വാര്‍ത്ത‍)

യൂനിവേഴ്‌സിറ്റി ബി.എഡ് സെന്ററുകളിലെ അധ്യാപകര്‍ക്ക് അവഗണന

പേരാമ്പ്ര: വിദ്യാഭ്യാസ മേഖലയില്‍ സമഗ്ര പരിഷ്‌കാരം നടപ്പാക്കുമ്പോഴും കാലിക്കറ്റ് യൂനിവേഴ്‌സിറ്റിക്കു കീഴിലെ ബി.എഡ് സെന്ററുകളിലെ അധ്യാപകരെ അവഗണിക്കുന്നു. ജോലിസ്ഥിരതയില്ലാത്ത ഇവര്‍ വര്‍ഷങ്ങളായി കാരടിസ്ഥാനത്തിലാണ് ജോലി ചെയ്യുന്നത്.

 സേവനവേതന വ്യവസ്ഥകള്‍ പരിതാപകരമാണ്. വാര്‍ഷിക വര്‍ധന തുച്ഛമായ 250 രൂപ മാത്രമാണ്. ചികിത്സ സഹായമോ പ്രസവാവധിയോ ഇല്ല. സര്‍ക്കാര്‍, എയ്ഡഡ് കോളജുകളിലെ സ്ഥിര അധ്യാപകര്‍ക്ക് നല്‍കുന്നതുപോലെ പ്രമോഷനോ പ്രഫ. അസി. പ്രഫ. സ്ഥാനപ്പേരുകളോ ഇവര്‍ക്ക് നല്‍കുന്നില്ല.

ഇവരുടെ പ്രവൃത്തി പരിചയം യൂനിവേഴ്‌സിറ്റിയിലെ മറ്റു നിയമനങ്ങളുടെ യോഗ്യതയായും അംഗീകരിച്ചില്ല. വിദ്യാഭ്യാസ പരിഷ്‌കാരങ്ങളുടെ ഭാഗമായുള്ള പരിശീലനങ്ങളൊന്നും യൂനിവേഴ്‌സിറ്റി സെന്ററുകളിലെ ബി.എഡ് അധ്യാപകര്‍ക്ക് നല്‍കുന്നില്ല.

 കാലിക്കറ്റ് യൂനിവേഴ്‌സിറ്റിക്കു കീഴില്‍ വിവിധ ജില്ലകളിലായി ഇത്തരം 11 ബി.എഡ് സെന്ററുകളാണുള്ളത്.

 ഇവിടെ പഠിപ്പിക്കുന്ന 90 ശതമാനം ആളുകളും ഉന്നത ബിരുദധാരികളാണ്. മിക്കവര്‍ക്കും യു.ജി.സി യോഗ്യതയുണ്ട്.

 വിദ്യാഭ്യാസത്തില്‍ ഡോക്ടറേറ്റ് നേടിയവരും കുറവല്ല. ജില്ലയില്‍ കോഴിക്കോട് ബീച്ച്, വടകര, പേരാമ്പ്രക്കടുത്ത ചക്കിട്ടപ്പാറ എന്നിവിടങ്ങിലാണ് വാഴ്‌സിറ്റി സെന്ററുകളുള്ളത്. പാലക്കാട്, തൃശൂര്‍, മലപ്പുറം, വയനാട് ജില്ലകളിലായി ഒമ്പത് സെന്ററുകളും പ്രവര്‍ത്തിക്കുന്നു.

 ഈ സെന്ററുകളിലെ ലൈബ്രേറിയന്‍, ക്ലര്‍ക്ക്, പ്യൂണ്‍ എന്നിവര്‍ സ്ഥിരം ജീവനക്കാരാണെന്നതാണ് കൗതുകകരം.

ഒരു സര്‍ക്കാര്‍ കോളേജ് പ്രിന്‍സിപ്പലിന്റെ മറ്റു ജോലികള്‍..ഇത്രയും ജോലികളോട് ഇവര്‍ക്ക് നീതി പുലര്‍ത്താന്‍ കഴിയുമോ?

കേരളത്തില്‍ വെറും നാല് സര്‍ക്കാര്‍ ബി.എഡ് കോളേജുകള്‍. അവയില്‍ ഒരു കോളേജിന്റെ പ്രിന്‍സിപ്പല്‍ ന്റെ പ്രിന്‍സിപ്പല്‍ ഇതര ജോലി ഭാരം വെബ്‌സൈറ്റില്‍ കണ്ടത്: യൂനിവേഴ്സിടി ബി.എഡ്. സെന്റെര്‍ പ്രിന്സിപ്പലുമാരും ഇത്രയും യോഗ്യത ഒക്കെ ഉള്ളവര്‍ ആണെങ്കിലും അവരെ എങ്ങും അടിപ്പിക്കൂല. പ്രോഫസ്സര്‍ എന്ന് സംബോധന പോലും കിട്ടൂല.നാട്ടില്‍ ഉച്ച നീചത്വം നിലനില്‍ക്കുന്നു.

ഒരു സര്‍ക്കാര്‍ കോളേജ് പ്രിന്‍സിപ്പലിന്റെ മറ്റു ജോലികള്‍ ,,,ഇത്രയും ജോലികളോട് ഇവര്‍ക്ക് നീതി പുലര്‍ത്താന്‍ കഴിയുമോ?

http://www.gctetly.com/principal.html

Details of membership of academic/non-academic bodies/organisations
1. Dean,Faculty of Education,University of Kerala
2. Member,Academic Council,University of Kerala
3. Member,Faculty of Education,University of Kerala
4. Member,Board of Studies(PG &UG),University of Kerala
5. Member Curriculum Sub-committee, Std IV, VIII and +1 and +2 at SCERT, Trivandrum(upto2008)
6. Member of board of public examination SSLC, Pariksha Bhavan, Trivandrum.
7. Member of board of public examination THSLC, Pariksha Bhavan, Trivandrum.
8. Member of board of public examination TTC, Pariksha Bhavan, Trivandrum.
9. Member of board of public examination KSLMA(Equivalency Programme)
10. Member of Board of Confidential work ,Public Examination, Pariksha Bhavan, Tvpm.
11. Member of Practical Board (B.Ed Exam theory and practical), University of Kerala.
12. Member of the Board of Confidential work -B.Ed, Calicut, and Mahatma
Gandhi University. (confidential work)
13. Joint Secretary of Literacy Forum, Kerala

ടീച്ചര്‍മാരുടെ ടീച്ചര്‍മാര്‍ കൂലിടീച്ചര്‍മാര്‍

സര്‍ക്കാരിന്റെ നിയന്ത്രണത്തില്‍ വെറും നാല് സര്‍ക്കാര്‍ ബി.എഡ്. കോളേജുകളും പിന്നെ പതിനേഴ്‌ എയിടെഡ് കോളേജുകളും ഇന്ന് കേരളത്തില്‍ നിലവിലുണ്ട്. അവര്‍ക്ക് മാത്രമേ യു.ജി.സി. നിര്‍ദേശിച്ചിട്ടുള്ള സേവന-വേതന വ്യവസ്ഥകള്‍ ലഭിക്കുന്നുള്ളൂ. ബാക്കി തൊണ്ണൂറു ശതമാനത്തിനു മേല്‍ അധ്യാപകരും പ്രിന്‍സിപ്പല്‍മാരും സ്വാകാര്യ-സ്വാശ്രയ കോളേജുകളില്‍ ആണ് ജോലി ചെയ്യുന്നത്. യു.ജി.സി. എന്ന മഹത് സ്ഥാപനം വെറും പത്ത് ശതമാനം അധ്യാപകര്‍ക്ക് പ്രയോജനം ചെയ്യുന്നുള്ളൂ . അതില്‍ എണ്‍പത് ശതമാനം പോസ്റ്റുകളും പണം കൊടുത്ത് എയിഡഡ്  ജോലി വാങ്ങാന്‍ കഴിയുന്ന പ്രബലരായ വ്യക്തികള്‍ കൊണ്ട് പോകും. നികുതിദായകന്റെ പണം മിക്കവാറും ഇത്തരം പണവും സ്വാധീനവും ഉള്ളവര്‍ കൊണ്ട് പോവുന്നു.



മേല്‍പ്പറഞ്ഞ നാല് സര്‍ക്കാര്‍ സ്ഥാപനങ്ങളില്‍ ജോലി പ്രതീക്ഷിച്ച് ആരെങ്കിലും ഇരിക്കുകയാണെങ്കില്‍ അതും വിഡ്ഢിത്തരം. കാരണം, ഈ പോസ്റ്റുകളും സര്‍ക്കാരില്‍ സ്ഥിരം ജോലി ചെയ്യുന്ന അധ്യാപകര്‍ തങ്ങളുടെ സ്വാധീനമുപയോഗിച്ച് കയ്യടക്കി വച്ചിരിക്കുകയാണ്. സര്‍ക്കാരിന്റെ കീഴിലുള്ള അധ്യാപക-പരിശീലനസ്ഥാപനങ്ങളില്‍ അധ്യാപകരെ നിയമിക്കുമ്പോള്‍ രണ്ടു റാങ്ക് ലിസ്റ്റുകള്‍ (സര്‍ക്കാരില്‍ ജോലി ചെയ്യുന്നവര്‍ക്ക് ക്യാറ്റഗറി -I എന്ന ലിസ്റ്റും അല്ലാത്തവര്‍ക്ക് ക്യാറ്റഗറി-II എന്ന ലിസ്റ്റും) ഉണ്ടാക്കുകയും അവയില്‍ ആദ്യത്തേതില്‍ ഉദ്യോഗാര്‍ഥികള്‍ ഇല്ലെങ്കില്‍ മാത്രം രണ്ടാമത്തെ ലിസ്റ്റില്‍ നിന്നും നിയമനം നടത്തുകയും ചെയ്യുന്ന രീതിയാണ് നിലവില്‍ ഉള്ളത്. ഇത്തരം ഒരു നിയമം അധ്യാപകപരിശീലന കോളേജുകളില്‍ അധ്യാപകരെ എടുക്കുമ്പോള്‍ മാത്രമേ ഉള്ളൂ. സമാന തസ്തികയില്‍ പെട്ട മറ്റു വിഷയങ്ങളില്‍ (കെമിസ്ട്രി, ഹിസ്റ്ററി തുടങ്ങിയ) അധ്യാപകരെ നിയമിക്കുമ്പോള്‍ ഇത്തരം നിയമം ഒന്നും ഇല്ല എന്നും ശ്രദ്ധേയമാണ്. യു.ജി.സി.യും എന്‍.സി.ടി.യും ഒന്നും നിഷ്ക്കര്‍ഷിക്കാത്ത ഈ നിയമം 'ബൈ  ട്രാന്‍സ്ഫര്‍' എന്ന ഓമന പേരില്‍ അറിയപ്പെടുന്നു. സര്‍ക്കാരില്‍ തന്നെയുള്ള ചില പ്രബല ശക്തികള്‍ പണ്ടെങ്ങോ അടിച്ചെടുത്ത ഒരു നിയമം.

ഇവര്‍ക്കൊക്കെ വല്ല കൂലി പണിക്കും പോയ്ക്കൂടെ?

കേരളത്തില്‍ ബി.എഡ്. കോളേജുകളില്‍ തൊണ്ണൂറു ശതമാനം അധ്യാപകരും കൂലി പണിക്കര്‍ക്ക് കിട്ടുന്ന വേതനം പോലും ഇല്ലാതെയാണ് ജോലി ചെയ്യുന്നത്. പിന്നെ എന്തിനാണ് ബി.എഡ് പഠിക്കാന്‍ കുട്ടികള്‍ വന്നിരിക്കുന്നത്? പഠിച്ചു ഇറങ്ങിയാല്‍ തൊഴില്‍ കിട്ടും. പക്ഷെ എങ്ങിനെ ഉള്ള തൊഴില്‍? കൂലി പണിക്കു കൊടുക്കുന്ന കൂലി പോലും ഇല്ലാത്ത തൊഴില്‍. അല്ലെങ്കില്‍ ഐടെഡ് സ്ഥാപനങ്ങളില്‍ ജോലി കിട്ടാന്‍ കോഴ കൊടുക്കാന്‍ ഉണ്ടാകണം. പിന്നെ ചുരുക്കം ചില ഭാഗ്യവന്മാര്‍ക്കും ഭാഗ്യവതികള്‍ക്കും സര്‍കാര്‍ സ്കൂളുകളില്‍ ജോലി കിട്ടും.


ശരിയായ വേതനം കൊടുത്തു വേണം അധ്യാപകരെ നിയോഗിക്കാന്‍. അപ്പോള്‍ മാത്രമേ ആ തൊഴിലിനു അന്തസ്സ് ലഭിക്കൂ. അതൊരു തൊഴില്‍ ആയി മാറൂ. അധ്യാപകര്‍ക്ക് തുച്ചമായ വേതനം കൊടുത്തു സ്ഥാപനങ്ങള്‍ നടത്തുന്നത് കൊണ്ട് സമൂഹത്തിനു ഒരു ഗുണവും ഉണ്ടാവില്ല. പഠിച്ചിറങ്ങുന്ന വിദ്യര്ധികള്‍ക്ക് നല്ല അധ്യാപക ജോലി ലഭിക്കണം എങ്കില്‍ അധ്യാപകരുടെ ശമ്പളം ന്യായമായതായിരിക്കണം

കാലിക്കറ്റ്‌ യൂണിവേഴ്സിറ്റിയിലെ ബി.എഡ് അധ്യാപകരുടെ സേവന വേതനങ്ങള്‍

കേരളത്തില്‍ ബി.എഡ് കോളേജുകള്‍ താഴെ പറയും വിധമാണ് :

1)        സര്‍ക്കാര്‍ കോളേജുകള്‍ - നാലെണ്ണം
2)        Aided കോളേജുകള്‍ - പതിനേഴെണ്ണം
3)         ബാക്കി സ്വകാര്യ -സ്വാശ്രയ കോളേജുകള്‍ - ഇരുനൂറിലധികം

ബി.എഡ് അധ്യാപകരുടെ അവസ്ഥ

സര്‍കാര്‍ കോളേജുകളിലും, ഐടെഡ് കോളേജുകളിലും സര്‍കാര്‍ / യു.ജി.സി. ശമ്പളം. സ്വകാര്യ സ്വാശ്രയ കോളേജുകളില്‍ അധ്യാപകര്‍ക്ക് പന്ത്രണ്ടായിരം രൂപയും പ്രിന്‍സിപ്പല്‍മാര്‍ക്ക് പതിനയ്യായിരം രൂപയും. മറ്റു ആനുകൂല്യങ്ങള്‍ ഒന്നും ഇല്ല. ജോലി സുരക്ഷയും ഇല്ല.

നിയമനം

സര്‍ക്കാര്‍ കോളേജുകളില്‍ പി.എസ്.സി വഴി. എന്നാല്‍ വിദ്യാഭ്യാസ വകുപ്പില്‍ ജോലി ചെയ്യുന്നവര്‍ക്ക് മുന്‍ഗണന. മിക്കവാറും അവര്‍ക്ക് മാത്രമേ കിട്ടാറുള്ളൂ.

ഐടെഡ് കോളേജുകളില്‍ ജോലി കിട്ടണം എങ്കില്‍ മാനേജ്മെന്റുകള്‍ക്ക് ലക്ഷകണക്കിന് രൂപ കോഴ കൊടുക്കണം. ജാതി -മത പരിഗണനകളും ഉണ്ട്.

ബാക്കി തൊണ്ണൂറു ശതമാനം ബി.എഡ് കോളേജുകളിലും അവരവര്‍ തന്നെ ഇന്റര്‍വ്യൂ ചെയ്യുന്നു.

കാലിക്കറ്റ്‌ യൂണിവേഴ്സിറ്റിയിലെ ബി.എഡ് അധ്യാപകരുടെ സേവന വ്യവസ്ഥകള്‍

(മറ്റു യൂണിവേഴ്സിറ്റികളിലെ സ്വാശ്രയ ബി.എഡ് കോളേജുകളിലെ സ്ഥിതിയും  ഇത് തന്നെ)

അധ്യാപകരും പ്രിന്‍സിപ്പാള്‍മാരും കൂടി ഏകദേശം 120 പേര്‍ ജോലി ചെയ്യുന്നു.

ടീച്ചര്‍മാരും പ്രിന്‍സിപ്പാള്‍മാരും  കോണ്‍ട്രാക്റ്റ് അടിസ്ഥാനത്തില്‍ ജോലി ചെയ്യുന്നു.

ടീച്ചര്‍മാരുടെ ശമ്പളം - Rs. 12,000/- only

പ്രിന്‍സിപ്പാള്‍ മാരുടെ ശമ്പളം  - Rs. 15,000/- only

വാര്‍ഷിക വര്‍ധനവ്‌ - Rs. 250/- only

സ്വകാര്യ കോളേജുകളിലെ അധ്യാപകരുടെ സ്ഥിതിയും ഏകദേശം ഇത് തന്നെ.

ബി.എഡ് കോളേജുകളില്‍ പഠിപ്പിക്കാന്‍ വേണ്ട യോഗ്യത

ബി.എഡ്. കോളേജുകളില്‍ പഠിപ്പിക്കാന്‍ വേണ്ട യോഗ്യത തീരുമാനിക്കുന്നത് എന്‍.സി.റ്റി.ഇ. (NCTE -National Council for Teacher Education) ആണ്.

അവരുടെ നിബന്ധന പ്രകാരം അധ്യാപകര്‍ യൂ.ജി.സി. നെറ്റ് (UGC-NET) പാസായിരിക്കണം; എം. എഡ് യോഗ്യത നേടിയിരിക്കണം.

ഇത് പ്രകാരം യോഗ്യത ഉള്ളവരെ ആണ് ഈ കോളേജുകളില്‍ നിയമിക്കുന്നത്. ചിലര്‍ക്ക് വിദ്യാഭ്യാസത്തില്‍ ഡോക്ടറേറ്റ്‌ വരെ യോഗ്യത ഉള്ളവര്‍ ഉണ്ട്. സര്‍ക്കാര്‍ കോളേജുകളിലും എടെഡ് കോളേജുകളിലും ഒരു പോലെ തന്നെ. എന്നാല്‍ സേവന വേതന വ്യവസ്ഥകളിലെ അന്തരം വളരെ കൂടുതല്‍.

സ്വാശ്രയ ബി.എഡ്. അധ്യാപകരുടെ കാര്യങ്ങള്‍

ഇരുനൂറോളം അധ്യാപകര്‍ യൂണിവേഴ്സിറ്റി നേരിട്ട് നടത്തുന്ന ബി.എഡ് കോളേജുകളില്‍ ജോലി ചെയ്യുന്നുണ്ട്. അവരില്‍ തൊണ്ണൂറു ശതമാനത്തിലധികം വനിതാ അധ്യാപകര്‍ ആണ്. പരാശ്രയം കൂടാതെ ജീവിക്കാന്‍ ഉള്ള ശമ്പളം പോലും യൂണിവേഴ്സിറ്റികള്‍ അവര്‍ക്ക് നല്‍കുന്നില്ല.  അവര്‍ക്ക് അസുഖം വന്നാല്‍ നയാ പൈസ യൂണിവേഴ്സിറ്റികള്‍  മെഡിക്കല്‍ ഇനത്തില്‍ നല്‍കില്ല. അവര്‍ക്ക് പ്രസാവാവധി പോലും ഇല്ല. ജോലി സുരക്ഷ ഇല്ല. യാത്ര ബത്ത പോലും നല്‍കില്ല.

എല്ലാ വര്‍ഷവും  കരാര്‍ പുതുക്കണം. അതിനു അപേക്ഷിച്ചാല്‍ ഉടന്‍ ഒന്നും പുതുക്കി നല്‍കില്ല. അത് മാസങ്ങളോളം വച്ച് കൊണ്ടിരിക്കും. ആ മാസങ്ങളില്‍ അവര്‍ക്ക് ശമ്പളം കിട്ടുന്നില്ല. വീട്ടില്‍ അരി വാങ്ങണം എങ്കില്‍ കടം വാങ്ങണം.

കേരളത്തിലെ അധ്യാപകരെ പരിശീലിപ്പിച്ചു എടുക്കുന്ന അധ്യാപകരുടെ സ്ഥിതി ഇതാണ്.

യൂണിവേഴ്സിറ്റികള്‍ തന്നെ ചെറിയ വേതനത്തില്‍ അധ്യാപകരെ നിയമിച്ചു  ബി.എഡ് അധ്യാപകരെ പരിശീലിപ്പിച്ചു എടുത്തു ലാഭകൊതിയന്മാരായ സ്വകാര്യ കോളേജുകള്‍ക്ക് മാതൃക കാണിക്കുന്നതിനാല്‍, സ്വകാര്യ കോളേജു കാര്‍ക്കും വേതനം വര്‍ദ്ധിപ്പിക്കേണ്ട. അവര്‍ക്കും സന്തോഷം.

ബി.എഡ്. പഠിക്കാന്‍ ഫീസ് വര്‍ധിപ്പിക്കാതെ 'കുട്ടികളെ' സഹായിക്കുന്ന യൂണിവേഴ്സിറ്റി  സ്വാശ്രയ കോളേജുകള്‍ അവിടത്ത അധ്യാപകരുടെ കണ്ണീരും വിയര്‍പ്പും കണ്ടില്ല എന്ന് നടിക്കുകയാണ്. ബി.എഡ്. കോളേജ് അധ്യാപകരെ ചൂഷണം ചെയ്തു സ്വാശ്രയ കോളേജുകള്‍ നടത്തി ഇവിടെ വിദ്യാഭ്യാസം പരിശീലനം നടത്തുന്നത് ന്യായീകരിക്കാവുന്ന കാര്യമാണോ?

"തൊഴില്‍ ഔദാര്യമല്ല, അവകാശമാണ്" എന്ന് വാദിക്കുന്ന പാര്‍ട്ടികള്‍ ഉള്ള നാടാണ് കേരളം. അവിടെ ഇതാണ് അധ്യാപകരുടെ സ്ഥിതി .

കോരന് കഞ്ഞി കുമ്പിളില്‍ തന്നെ!!

ജന്മി സമ്പ്രദായം പോയി എന്നും കഞ്ഞി മാത്രം കുടിക്കുന്ന കോരന്‍ ഇന്നില്ല എന്നും ഒക്കെ വിചാരിച്ചാല്‍ തെറ്റ്. കേരളത്തില്‍  ബി.എഡ് അധ്യാപകരില്‍ തൊണ്ണൂറു ശതമാനം കോരന്‍മാര്‍ തന്നെ. അവര്‍ക്ക് കഞ്ഞി എന്നും കുമ്പിളില്‍ തന്നെ.

സര്‍ക്കാര്‍ -എടെഡ് കോളേജ് അധ്യാപകര്‍ യൂ.ജി.സി. ശമ്പളം വാങ്ങുന്നു. റ്റി.എ., ഡി.എ. വാങ്ങുന്നു, ജീവിത ചിലവിനനുസരിച്ചു ഇടയ്ക്കിടയ്ക്ക് ശമ്പളത്തിന്റെ കൂടെ ഡി.എ. വര്‍ധിപ്പിക്കുന്നു. എല്ലാ വിധ അവധികളും അസുഖം വന്നാല്‍ മെഡിക്കല്‍ ചിലവുകള്‍,

പ്രസവാവധി തുടങ്ങിയ ആനുകൂല്യങ്ങളും പറ്റുന്നു.

എന്നാല്‍ യൂണിവേഴ്സി റ്റി കള്‍ നടത്തുന്ന സ്വാശ്രയ കോളേജുകളില്‍ ജോലി ചെയ്യുന്ന തുല്യ യോഗ്യതകള്‍ ഉള്ള 'കോരന്മാര്‍''ക്ക് ഇതൊന്നും ഇല്ല. കമാ എന്നൊരു അക്ഷരം മിണ്ടാതെ ജോലി ചെയ്തോണം. പോയ്ക്കോണം. കൊടുക്കുന്നത് വാങ്ങിക്കോണം. പിന്നെ പഴയ കാലത്ത് കോരനെ പോലെ തന്നെ എല്ലാ കാര്യത്തിലും ഇവരെയും കണക്കാക്കുന്നത്. എവിടെയും തൊടീക്കില്ല. ഇന്‍-സര്‍വീസ് പരിശീലനത്തിനും ഇവരുടെ സേവനം ഉപയോഗിക്കില്ല. ക്ലാര്‍ക്ക് മാരുടെ കുറവുള്ള സ്ഥലങ്ങളില്‍ ക്ലാര്‍ക്ക് ആയി ഉപയോഗിക്കും. പരീക്ഷ മേല്‍നോട്ടം, അഡ്മിഷന്‍ തുടങ്ങിയ സമയങ്ങളില്‍ ക്ലാര്‍ക്ക് ജോലി ചെയ്യേണ്ടത് ഇവരാണ്.

ഇവര്‍ക്ക് പ്രമോഷന്‍ കൊടുക്കില്ല. സര്‍ക്കാര്‍ അധ്യാപകര്‍ക്ക് സര്‍വീസ് കൂടുമ്പോള്‍ അസി.പ്രൊഫസര്‍, പ്രൊഫസര്‍, റീടാര്‍ തുടങ്ങിയ സ്ഥാനപ്പേരുകള്‍ ഉണ്ടാവും. സ്വാശ്രയ ബി.എഡ് കോളേജുകളില്‍ അധ്യാപകര്‍ക്ക് എത്ര സര്‍വീസ് ഉണ്ടെങ്കിലും ഇതൊന്നും ലഭിക്കില്ല. അവര്‍ എന്നും ടീച്ചര്‍ മാത്രം.

തൊണ്ണൂറു ശതമാനം യോഗ്യതയുള്ള അധ്യാപകരെ ചവിട്ടി താഴ്ത്തി നിറുത്തി എന്തിനാണ് പത്ത് ശതമാനം സര്‍ക്കാര്‍ -എടെഡ് കോളേജ് അധ്യാപകര്‍ക്ക് യൂ.ജി.സി. ശമ്പളം കൊടുക്കുന്നത്?

ബി. എഡ്. അധ്യാപകരെ അപമാനിക്കുന്നു

കാലിക്കറ്റ്‌ യൂണിവേഴ്സി റ്റി യില്‍ പന്ത്രണ്ടു സ്വാശ്രയ കോളേജുകളില്‍ സ്ഥിതി ഇതാണ്:

തൂപ്പുകാരന്‍ (കാരി), ലൈബ്രറി സൂക്ഷിപ്പുകാരന്‍ (കാരി) എന്നിവര്‍ കൂടാതെ സെക്ഷന്‍ ഓഫീസര്‍ എന്ന ഒരു ഉദ്യോഗസ്ഥന്‍  - ഈ മുന്ന് പേര്‍ മാത്രം യൂണിവേഴ്സിറ്റിയുടെ സ്ഥിരം ജീവനക്കാര്‍. സ്ഥാപനത്തിന്റെ തലവന്‍ ആയ പ്രിന്‍സിപ്പാള്‍, അധ്യാപകര്‍ എന്നിവര്‍ കരാര്‍ തൊഴിലാളികള്‍. അധ്യാപക വര്‍ഗ്ഗത്തിനെ അപമാനിക്കാന്‍ ഇതില്‍ കൂടുതല്‍ എന്ത് വേണം? ഈ അധ്യാപകരെ ചൂഷണം ചെയ്ത പൈസ ഉപയോഗിച്ചാണ്  വിദ്യാര്‍ഥികളുടെ ഫീസ് കുറയ്ക്കുന്നത്. ഇവരില്‍ തൊണ്ണൂറു ശതമാനം പേരും വനിതകള്‍ ആണ്. അസംഘടിതരും.

വിദ്യാഭ്യാസത്തിന്റെ ഉന്നത സ്ഥാപനങ്ങള്‍  ചൂഷണത്തിന് മാതൃക കാണിക്കുന്നു.

കാലിക്കറ്റ്‌ യൂണിവേഴ്സിറ്റി സ്വാശ്രയ ബി.എഡ് കോളേജുകളില്‍ ജോലി ചെയ്യുന്ന അധ്യാപകര്‍ക്ക് ചെറിയ വേതനം കൊടുത്തും, അവരെ അവരുടെ ജോലിക്ക് ചേര്‍ന്ന അന്തസ്സായ രീതിയില്‍ പരിഗണിക്കാതെയും കച്ചവടവല്‍ക്കരിക്കപെട്ടിരിക്കുന്നു. സ്വകാര്യ സ്ഥാപനങ്ങളും യൂണിവേഴ്സിറ്റിയുടെ മാതൃക അനുകരിക്കുന്നു. അസംഘടിതരും വനിതകളും ആയ പാവം അധ്യാപകരുടെ വിയര്‍പ്പും കൊണ്ട് ഇവിടെ അധ്യാപകരെ പരിശീലിപ്പിക്കുന്നു. ഒരു കുടുംബത്തിനു  അരി വാങ്ങാനോ, മരുന്ന് വാങ്ങാനോ തികയില്ല അവരുടെ ശമ്പളം. സമൂഹത്തില്‍ തമസ്സ് നിറയ്ക്കാന്‍ സര്‍വോന്നത വിദ്യാഭ്യാസ സ്ഥാപനങ്ങള്‍ തന്നെ മുന്‍കൈ എടുക്കുന്നത് നിരാശാജനകമാണ്. സ്വകാര്യ വിദ്യാഭ്യാസ കച്ചവടക്കാര്‍ക്ക് അധ്യാപകരെ ചൂഷണം ചെയ്യാന്‍ ഇത് മാതൃക കാണിക്കുന്നു.

സ്വാശ്രയ അധ്യാപകര്‍ക്ക് ന്യായമായ സേവന വേതന വ്യവസ്ഥ ആക്കേണ്ടത് സമൂഹത്തിന്റെ ആവശ്യം

അംഗീകൃത വിദ്യാഭ്യാസ യോഗ്യതകള്‍ ഉള്ള ഉന്നത-പ്രൊഫഷണല്‍ സ്ഥാപനങ്ങളില്‍ ജോലി ചെയ്യുന്ന അധ്യാപകര്‍ക്ക് ന്യായമായ വേതനം ഉറപ്പാക്കേണ്ടത് സര്‍ക്കാരിന്റെ കടമയാണ്. പല പാശ്ചാത്യ രാജ്യങ്ങളിലും സ്ഥിരം ജോലി എന്ന വ്യവസ്ഥിതി ഇല്ലെങ്കിലും ന്യായമായ കുറഞ്ഞ വേതനം നല്‍കാതെ ആളുകളെ ജോലിക്ക് വയ്ക്കാന്‍ അനുവാദം ഇല്ല. തൊഴില്‍ രംഗത്തെ ചൂഷണം അവിടെ തടയപ്പെടുന്നു. എന്നാല്‍ സോഷ്യലിസം വളരെയധികം വളര്‍ന്നു എന്ന് അവകാശപ്പെടുന്ന ഈ നാട്ടില്‍ സോഷ്യലിസ്റ്റ് രാഷ്ട്രീയ സംഘടനകള്‍ പോലും അസംഘടിതര്‍ ചൂഷണം ചെയ്യപ്പെടുന്നതിനെതിരെ പ്രതികരിക്കുന്നില്ല.

സ്വാശ്രയ ബി.എഡ് അധ്യാപകര്‍ക്ക് സര്‍ക്കാര്‍ അധ്യാപകരുടെ തുല്യമായ വേതനം നല്‍കിയാല്‍ അത് അത്രയും തൊഴില്‍ അവസരങ്ങള്‍ സൃഷ്ടിക്കുന്നതിനു തുല്യമാണ്. പഠിച്ചിറങ്ങുന്ന ബി.എഡ്. വിദ്യാര്‍ഥികള്‍ കുറെ പേര്‍ നാളെ ഈ രംഗത്ത്‌ വരാനുള്ളതാണ്. അവര്‍ ജീവിക്കാന്‍ വേണ്ടി മറ്റു നാടുകളിലേക്ക് പോകേണ്ടതില്ല.

ബി.എഡ് അധ്യാപകര്‍ക്ക് ശരിയായ വേതനം നല്‍കുന്നത് വഴി നല്ല കഴിവുള്ള അധ്യാപകരെ ഈ രംഗത്തേക്ക് ആകര്‍ഷിക്കാന്‍ സാധിക്കും. ഇതൊരു ജീവിതമാര്ഗ്ഗമേ അല്ല എന്നതിനാലാണ് പുരുഷന്മാര്‍ ഈ രംഗത്ത് വരാതെ ഇരിക്കുന്നത്. ഒരു കുടുമ്പല്‍ പുലര്‍ത്താനുള്ള വരുമാനം ഇതില്‍ നിന്നും കിട്ടുകയില്ല എന്ന് മാത്രമല്ല ജോലി സ്ഥിരതയും മാന്യതയും ഇല്ലാതെയാണ് അധ്യാപക പരിശീലരംഗത്ത്‌ ജോലി ചെയ്യുന്നത്. അതാണ്‌ ഈ രംഗത്ത് തൊണ്ണൂറു ശതമാനം പേരും സ്ത്രീകള്‍ ആകാന്‍ കാരണം. അവര്‍ പര്ശ്രയം മൂലമാണ് ജീവിക്കുന്നത്.

അധ്യാപകരെ പഠിപ്പിക്കുന്ന അധ്യാപകര്‍ ആയ ബി.എഡ് അധ്യാപകര്‍ക്ക് അന്തസ്സായ സേവന വേതനങ്ങള്‍ നല്‍കേണ്ടത് സമൂഹത്തിന്റെ ആവശ്യം കൂടിയാണ്. ഒരു അധ്യാപക പരിശീലക ഒരു വര്ഷം നൂറു അധ്യാപകരെ ആണ് പരിശീലിപ്പിക്കുന്നത്. ഈ നൂറു പേര്‍ നാളെ സ്കൂളുകളില്‍ ഓരോ വര്‍ഷവും നൂറു കണക്കിന് വിദ്യാര്‍ഥികളെ പഠിപ്പിക്കുന്നവര്‍ ആണ്. അവരുടെ വ്യക്തിതം രൂപപ്പെടുന്ന വിദ്യാഭ്യാസ സ്ഥാപനമാണ്‌ ബി.എഡ്. കോളേജ്. അതിനാല്‍ തന്നെ അന്തസ്സായ സേവന വേതന വ്യവസ്ഥ അധ്യാപക പരിശീലകരുടെ ആത്മ വിശ്വാസം വര്‍ധിപ്പിക്കുകയും അവരുടെ വ്യക്തിത്വത്തില്‍ അത് പ്രതിഫലിക്കുകയും ചെയ്യും. ഇത് ലക്ഷ കണക്കിന് സ്കൂള്‍ വിദ്യാര്‍ഥികളിലേക്ക് പകര്‍ന്നു നല്‍കപ്പെടും.

ഇവര്‍ക്കൊക്കെ വല്ല കൂലി പണിക്കും പോയ്ക്കൂടെ?

കേരളത്തില്‍ ബി.എഡ്. കോളേജുകളില്‍ തൊണ്ണൂറു ശതമാനം അധ്യാപകരും കൂലി പണിക്കര്‍ക്ക് കിട്ടുന്ന വേതനം പോലും ഇല്ലാതെയാണ് ജോലി ചെയ്യുന്നത്. പിന്നെ എന്തിനാണ് ബി.എഡ് പഠിക്കാന്‍ കുട്ടികള്‍ വന്നിരിക്കുന്നത്? പഠിച്ചു ഇറങ്ങിയാല്‍ തൊഴില്‍ കിട്ടും. പക്ഷെ എങ്ങിനെ ഉള്ള തൊഴില്‍? കൂലി പണിക്കു കൊടുക്കുന്ന കൂലി പോലും ഇല്ലാത്ത തൊഴില്‍. അല്ലെങ്കില്‍ ഐടെഡ് സ്ഥാപനങ്ങളില്‍ ജോലി കിട്ടാന്‍ കോഴ കൊടുക്കാന്‍ ഉണ്ടാകണം. പിന്നെ ചുരുക്കം ചില ഭാഗ്യവന്മാര്‍ക്കും ഭാഗ്യവതികള്‍ക്കും സര്‍കാര്‍ സ്കൂളുകളില്‍ ജോലി കിട്ടും.

ശരിയായ വേതനം കൊടുത്തു വേണം അധ്യാപകരെ നിയോഗിക്കാന്‍. അപ്പോള്‍ മാത്രമേ ആ തൊഴിലിനു അന്തസ്സ് ലഭിക്കൂ. അതൊരു തൊഴില്‍ ആയി മാറൂ. അധ്യാപകര്‍ക്ക് തുച്ചമായ വേതനം കൊടുത്തു സ്ഥാപനങ്ങള്‍ നടത്തുന്നത് കൊണ്ട് സമൂഹത്തിനു ഒരു ഗുണവും ഉണ്ടാവില്ല. പഠിച്ചിറങ്ങുന്ന വിദ്യര്ധികള്‍ക്ക് നല്ല അധ്യാപക ജോലി ലഭിക്കണം എങ്കില്‍ അധ്യാപകരുടെ ശമ്പളം ന്യായമായതായിരിക്കണം

കോണ്‍ട്രാക്റ്റ് അധ്യാപകര്‍ യൂണിവേഴ്സിറ്റിയില്‍ അടിയാളര്‍ . സര്‍ക്കാരില്‍ ജന്മിത്തം !!

യൂനിവേഴ്സിറ്റിയില്‍ രണ്ടു തരം അധ്യാപകര്‍ ജോലി ചെയ്യുന്നു. ഒന്ന് സ്ഥിരം ജോലി കൊടുത്തിട്ടുള്ള, യൂ.ജി.സി. സേവന വേതനങ്ങള്‍ ഒക്കെ ഉള്ള ജന്മി അധ്യാപകര്‍. മറ്റത് അടിയാളന്മാരും. ആധുനിക ജന്മിത്തം യൂണിവേഴ്സിറ്റി പോലെ ഉള്ള സര്‍ക്കാര്‍ സ്ഥാപനങ്ങളും അംഗീകരിച്ചു കഴിഞ്ഞു. പഴയ കാലത്തേ ജന്മിത്തത്തില്‍ നിന്നും വലിയ വ്യത്യാസം ഒന്നും ഇല്ല ഇന്നത്തെ ജന്മിത്തതിനും.

കോണ്‍ട്രാക്റ്റ്    അധ്യാപകര്‍ക്ക് :

-- ജന്മി അധ്യാപകരെക്കാള്‍ അഞ്ചിലൊന്ന് ശമ്പളം

-- ജോലി എപ്പോള്‍ വേണമെങ്കിലും പോവാം. പ്രസവാവധിക്ക് പോയാലും തിരിച്ചു കയറാന്‍ പറ്റിയെന്നു വരില്ല. അസുഖം വല്ലതും വന്നു കിടപ്പിലായാല്‍ ജോലി പോയി എന്ന് പറഞ്ഞാല്‍ മതി. മരുന്ന് വാങ്ങാന്‍ പൈസ പോലും യൂണിവേഴ്സിറ്റി കൊടുക്കില്ല. അതൊക്കെ സ്ഥിരം അധ്യാപകര്‍ക്ക് മാത്രം..
-- കൂലി കൂടുതല്‍ ചോദിച്ചാല്‍ ജോലി പോവും. സര്‍ക്കാര്‍ സ്കൂളുകളില്‍ 'പഠിപ്പിച്ചു' മടുത്തിരിക്കുന്ന ഒരുപാട് അധ്യാപകരുണ്ട്, ടെപ്യൂട്ടെഷനില്‍ കയറാന്‍ തക്കം പാര്‍ത്ത് നില്‍ക്കുന്നു. അവരെ നിയമിച്ചിട്ടു ഇവരെ പിരിച്ചു വിടാലോ.

-- പാഠം പഠിപ്പിക്കല്‍ ശിക്ഷ. എല്ലാ വര്‍ഷവും കോണ്‍ട്രാക്റ്റ് പുതുക്കണം. ആ സമയം അധ്യാപകരെല്ലാം ഭയത്തില്‍ ആണ്. ജോലി പോയാലോ.സ്ത്രീ അധ്യാപകര്‍ക്ക് പിന്നെ ഭര്‍ത്താവിന്റെ വരുമാനം ഉണ്ടായതു കൊണ്ട് മിക്കവാറും കഞ്ഞി വയ്ക്കാന്‍ പറ്റും വീട്ടില്‍. പുരുഷന്മാരുടെ കാര്യമാണ് കഷ്ടം. കുട്ടികള്‍ക്ക് ഫീസ്‌ കൊടുക്കേണ്ടേ? വല്ല ആശുപത്രി കേസും വന്നാലോ. ജീവിതം കട്ടപൊക.

--കോണ്‍ട്രാക്റ്റ് അങ്ങിനെ എളുപ്പത്തില്‍ അങ്ങ് പുതുക്കി നല്‍കില്ല ഏമാന്മാര്‍. അപേക്ഷ കൊടുത്താല്‍ കുറെ മാസങ്ങള്‍ വച്ച് കൊണ്ടിരിക്കും യൂണിവേഴ്സിറ്റി ഓഫീസില്‍ . മൂന്നോ നാലോ മാസം വേതനം ലഭിക്കില്ല. വീട്ടില്‍ അരി വാങ്ങണം എങ്കില്‍ കടം വാങ്ങണം.

-- യൂണിവേഴ്സിറ്റി സെന്ററുകളില്‍ ലൈബ്രറികള്‍ ഉണ്ട്. എന്‍.സി.ടി.ഈ. പണ്ട് നിര്‍ബന്ധിച്ചിട്ടു ഉണ്ടാക്കി വച്ചതാണ്. ലൈബ്രരിയന്മാരെ സ്ഥിരം നിയമനം കൊടുത്ത് വച്ചിട്ടുണ്ട്. പണി ഒന്നും ഇല്ല. ബി.എഡ് കോളേജില്‍ ഒക്കെ ആരാ ലൈബ്രറി പുസ്തകങ്ങള്‍ വായിക്കുക? പിന്നെ സ്വീപ്പര്മാര്‍....അവരും സ്ഥിരം ജീവനക്കാര്‍. പിന്നെ ഒരു സെക്ഷന്‍ ഓഫീസര്‍.. അയാള്‍ ആണ് പരമാധികാരി. പ്രിന്‍സിപ്പല്‍ കോണ്‍ട്രാക്റ്റ് അടിസ്ഥാനത്തില്‍ ജോലി ചെയ്യുന്ന ഉന്നത വിദ്യാഭ്യാസം, പ്രവര്‍ത്തി പരിചയം, ഡോക്ടരേറ്റ്, യൂ.ജി.സി. അധ്യാപക യോഗ്യത എന്നിങ്ങനെ പല യോഗ്യതയും ഉള്ള വ്യക്തി. മാസം മേല്‍പ്പറഞ്ഞ മൂന്നു സ്ഥിരം ജീവനക്കാരെക്കാളും കുറവ്.

--ലെക്ച്ചര്മാര്‍ക്ക്  ശമ്പളം രൂപ പന്ത്രണ്ടായിരം മാസം. പ്രിന്‍സിപ്പലിന് ശമ്പളം മാസം രൂപ പതിനയ്യായിരം. ...മറ്റു ഒരു ആനുകൂല്യവും ഇല്ല. വാര്‍ഷിക ശമ്പള വര്‍ധനവ്‌ രൂപ ഇരുന്നൂറ്റി അന്‍പത്.. ടി.യെ., ഡി.യെ. ഒന്നും ഇവര്‍ക്കില്ല.

-- എത്ര വര്ഷം പണിയെടുത്താലും കീഴാളര്‍ അധ്യാപകര്‍ക്ക് മേലാളര്‍ അധ്യാപകരെ പോലെ ഉദ്യോഗകയറ്റം ഒന്നും കിട്ടില്ല. ടീച്ചര്‍മാരെ പഠിപ്പിക്കുന്ന ടീച്ചര്‍മാര്‍ ആണെങ്കില്‍ പോലും അവര്‍ എന്ന് 'ടീച്ചര്‍' മാത്രം. ലെക്ച്ചറര്‍   എന്നോ പ്രോഫസ്സര്‍ എന്നോ റീടാര്‍ എന്നോ ഇവര്‍ക്ക് സ്ഥാനപ്പേര് ലഭിക്കില്ല. ഇവര്‍ എന്നും അടിയാളന്മാര്‍  മാത്രം..

-- ഒരു സര്‍ക്കാര്‍ പരിശീലന പരിപാടികളിലും ഇവിടത്തെ അധ്യാപകരെ അടിപ്പിക്കില്ല. സര്‍ക്കാര്‍ ബി.എഡ് കോളേജിലെ പ്രിന്‍സിപ്പലിനും മറ്റും അനേകം ഔദ്യോഗിക സ്ഥാനങ്ങള്‍, കമ്മിറ്റികളില്‍ അംഗത്തം, ചെയര്‍ പേഴ്സന്‍ സ്ഥാനം തുടങ്ങിയവ നല്‍കുമ്പോള്‍ അതെ യോഗ്യതകള്‍ ഉള്ള യൂണിവേഴ്സിറ്റി ബി.എഡ്. സെന്ററുകളില്‍ ജോലി ചെയ്യുന്ന അധ്യാപകര്‍ക്ക് യാതൊരു ഉത്തരവാദി ത്തവും സര്‍ക്കാരും ജന്മി ഏമാന്മാരും നല്‍കില്ല.

ജോലിക്ക് പുറമേ നാല്‍പ്പത്തി മൂന്നു സ്ഥാനങ്ങള്‍ അലങ്കരിക്കുന്ന തലശ്ശേരി പ്രിന്‍സിപ്പലിന്റെ ബയോടാറ്റ താഴെ കൊടുത്തിരിക്കുന്ന ലിങ്കില്‍ നോക്കിയാല്‍ മതി..നാല്‍പ്പത്തി മൂന്നു അധിക ജോലികളില്‍ എത്ര ജോലികളില്‍ അവര്‍ക്ക് നീതി പുലര്‍ത്താന്‍ സാധിക്കും? എന്നിട്ടും സ്ഥിരം അധ്യാപകര്‍, പ്രിന്‍സിപ്പല്‍മാര്‍ എന്നിവര്‍ രാജാക്കന്മാരെ പോലെ വാഴുകയാണ്..സര്‍വ അധികാരങ്ങളും ആഡംഭരങ്ങളോഡും  കൂടി.

http://www.gctetly.com/principal.html

-- എന്തിനാണ് സര്‍ക്കാര്‍ സ്ഥാപനങ്ങള്‍ ഇങ്ങനെ വിവേചനം കാണിക്കുന്നത് ഈ ഇരുപത്തി ഒന്നാം നൂറ്റാണ്ടില്‍?

ഒരു സര്‍ക്കാര്‍ കോളേജ് പ്രിന്‍സിപ്പലിന്റെ മറ്റു ജോലികള്‍..ഇത്രയും ജോലികളോട് ഇവര്‍ക്ക് നീതിപുലര്‍ത്താന്‍ കഴിയുമോ?

കേരളത്തില്‍ വെറും നാല് സര്‍ക്കാര്‍ ബി.എഡ് കോളേജുകള്‍. അവയില്‍ ഒരു കോളേജിന്റെ പ്രിന്‍സിപ്പല്‍ ന്റെ പ്രിന്‍സിപ്പല്‍ ഇതര ജോലി ഭാരം വെബ്‌സൈറ്റില്‍ കണ്ടത്: യൂനിവേഴ്സിടി ബി.എഡ്. സെന്റെര്‍ പ്രിന്സിപ്പലുമാരും ഇത്രയും യോഗ്യത ഒക്കെ ഉള്ളവര്‍ ആണെങ്കിലും അവരെ എങ്ങും അടിപ്പിക്കൂല. പ്രോഫസ്സര്‍ എന്ന് സംബോധന പോലും കിട്ടൂല.നാട്ടില്‍ ഉച്ച നീചത്വം നിലനില്‍ക്കുന്നു.
ഒരു സര്‍ക്കാര്‍ കോളേജ് പ്രിന്‍സിപ്പലിന്റെ മറ്റു ജോലികള്‍ ,,,ഇത്രയും ജോലികളോട് ഇവര്‍ക്ക് നീതി പുലര്‍ത്താന്‍ കഴിയുമോ?

http://www.gctetly.com/principal.html



This link was later changed by the college

Details of membership of academic/non-academic bodies/organisations :
	1.   Dean,Faculty of Education,University of Kerala 2.   Member,Academic Council,University of Kerala 3.   Member,Faculty of Education,University of Kerala 4.   Member,Board of Studies(PG &UG),University of Kerala 5.   Member Curriculum Sub-committee, Std IV, VIII and +1 and +2 at SCERT,       Trivandrum(upto2008) 6.   Member of board of public examination SSLC, Pariksha Bhavan, Trivandrum. 7.   Member of board of public examination THSLC, Pariksha Bhavan, Trivandrum. 8.   Member of board of public examination TTC, Pariksha Bhavan, Trivandrum. 9.   Member of board of public examination KSLMA(Equivalency Programme) 10. Member of Board of Confidential work ,Public Examination, Pariksha Bhavan, Tvpm. 11. Member of Practical Board (B.Ed Exam theory and practical), University of Kerala. 12. Member of the Board of Confidential work -B.Ed, Calicut, and Mahatma Gandhi University. (confidential work) 13. Joint Secretary of Literacy Forum, Kerala 14. Vice Chairman of the Council for Teacher Education(CTE),Kerala State Centre 15. Vice Chairperson of KSP Foundation of Research and Extension 16. State Secretary of Kerala Govt. College of Teacher Educators’ Association (KGCTEA) 17. Consulting editor of the Magazine  The contemporary who’s who in American Biographical  Institute 18. Editorial Board member of CTE Third State Convention – Souvenir – 2004 19. President of Kerala University English Teacher Educator’s Forum (KUETEF) 20. Member and Regional Co-ordinator (of Trivandrum region) for AIAER 21. Member of inspection Committee to assess the facilities of self-financing B.Ed colleges – a  committee constituted by the VC, Kerala University. 22. Chairman, B.Ed Practical Examination Board ,Kerala University2006-2007, 2007-2008,2008-2009 Batches 23. Chairman, B.Ed Theory Examination Board ,Calicut University 2008-2009,2009-10, 2010-11 Batches 24. Chairman, M.Ed Examination Theory and Thesis 2006-2007, 2009-2010 Batch 25. Interview Board Member (subject expert), MG University Colleges of Teacher Education       (Lecturer Selection on contract basis 19,20,22 Sept.2007) 26. Interview Board Member (subject expert)for the selection of non-vocational teacher at       Vocational Higher Secondary Edn Dept through PSC, Kerala  held at PSC office Kollam on 3rd, 4th and 5th  Jan 2007 27. NCTE Visiting Team member for inspection of colleges 28. Resource person for inservice courses at Govt. Training Colleges. 29. Resource person for inservice courses at SCERT. 30. Resource person for inservice courses at KSLMA(Kerala State Literacy Mission). 31. Resource person for inservice courses at SRC(State Resource Centre). 32. Resource person for inservice courses at Sainik School. 33. Resource person for inservice courses at CDC(Child Development Council,Medical       College,Tvpm). 34. Resource person for inservice courses at District Centre for English,Neyyatinkara 35. Resource person for inservice courses at Distance Education. 36. Resource person for inservice courses at IMG(Institute of Management in Govt). 37. Resource person for inservice courses at ASC(Academic Staff College, Kerala). 38. Convener of Hospitality Committee, Golden Jubilee Celebrations, Dept of Edn, University of Kerala 39. Member IAEA(Indian Adult Education Association) 40. Member,AIEWP(All India Education For World Peace) 41. Member ELTAI(English Language Teachers’ Association of India) 42. Kerala University nominee for inspection of Self financing Colleges 43. Advisory Board member of District Centre for English,Neyyattinkara,Tvpm

ടീച്ചര്‍മാരുടെ ടീച്ചര്‍മാര്‍ കൂലിടീച്ചര്‍മാര്‍

സര്‍ക്കാരിന്റെ നിയന്ത്രണത്തില്‍ വെറും നാല് സര്‍ക്കാര്‍ ബി.എഡ്. കോളേജുകളും പിന്നെ പതിനേഴ്‌ എയിടെഡ് കോളേജുകളും ഇന്ന് കേരളത്തില്‍ നിലവിലുണ്ട്. അവര്‍ക്ക് മാത്രമേ യു.ജി.സി. നിര്‍ദേശിച്ചിട്ടുള്ള സേവന-വേതന വ്യവസ്ഥകള്‍ ലഭിക്കുന്നുള്ളൂ. ബാക്കി തൊണ്ണൂറു ശതമാനത്തിനു മേല്‍ അധ്യാപകരും പ്രിന്‍സിപ്പല്‍മാരും സ്വാകാര്യ-സ്വാശ്രയ കോളേജുകളില്‍ ആണ് ജോലി ചെയ്യുന്നത്. യു.ജി.സി. എന്ന മഹത് സ്ഥാപനം വെറും പത്ത് ശതമാനം അധ്യാപകര്‍ക്ക് പ്രയോജനം ചെയ്യുന്നുള്ളൂ . അതില്‍ എണ്‍പത് ശതമാനം പോസ്റ്റുകളും പണം കൊടുത്ത് എയിഡഡ് ജോലി വാങ്ങാന്‍ കഴിയുന്ന പ്രബലരായ വ്യക്തികള്‍ കൊണ്ട് പോകും. നികുതിദായകന്റെ പണം മിക്കവാറും ഇത്തരം പണവും സ്വാധീനവും ഉള്ളവര്‍ കൊണ്ട് പോവുന്നു.

ആ നാല് സര്‍ക്കാര്‍ ബി.എഡ് കോളേജുകള്‍ ഇവയാണ്..

http://www.collegiateedu.kerala.gov.in/index.php?option=com_content&view=article&id=67&Itemid=൮൬

മേല്‍പ്പറഞ്ഞ നാല് സര്‍ക്കാര്‍ സ്ഥാപനങ്ങളില്‍ ജോലി പ്രതീക്ഷിച്ച് ആരെങ്കിലും ഇരിക്കുകയാണെങ്കില്‍ അതും വിഡ്ഢിത്തരം. കാരണം, ഈ പോസ്റ്റുകളും സര്‍ക്കാരില്‍ സ്ഥിരം ജോലി ചെയ്യുന്ന അധ്യാപകര്‍ തങ്ങളുടെ സ്വാധീനമുപയോഗിച്ച് കയ്യടക്കി വച്ചിരിക്കുകയാണ്. സര്‍ക്കാരിന്റെ കീഴിലുള്ള അധ്യാപക-പരിശീലനസ്ഥാപനങ്ങളില്‍ അധ്യാപകരെ നിയമിക്കുമ്പോള്‍ രണ്ടു റാങ്ക് ലിസ്റ്റുകള്‍ (സര്‍ക്കാരില്‍ ജോലി ചെയ്യുന്നവര്‍ക്ക് ക്യാറ്റഗറി -I എന്ന ലിസ്റ്റും അല്ലാത്തവര്‍ക്ക് ക്യാറ്റഗറി-II എന്ന ലിസ്റ്റും) ഉണ്ടാക്കുകയും അവയില്‍ ആദ്യത്തേതില്‍ ഉദ്യോഗാര്‍ഥികള്‍ ഇല്ലെങ്കില്‍ മാത്രം രണ്ടാമത്തെ ലിസ്റ്റില്‍ നിന്നും നിയമനം നടത്തുകയും ചെയ്യുന്ന രീതിയാണ് നിലവില്‍ ഉള്ളത്. ഇത്തരം ഒരു നിയമം അധ്യാപകപരിശീലന കോളേജുകളില്‍ അധ്യാപകരെ എടുക്കുമ്പോള്‍ മാത്രമേ ഉള്ളൂ. സമാന തസ്തികയില്‍ പെട്ട മറ്റു വിഷയങ്ങളില്‍ (കെമിസ്ട്രി, ഹിസ്റ്ററി തുടങ്ങിയ) അധ്യാപകരെ നിയമിക്കുമ്പോള്‍ ഇത്തരം നിയമം ഒന്നും ഇല്ല എന്നും ശ്രദ്ധേയമാണ്. യു.ജി.സി.യും എന്‍.സി.ടി.യും ഒന്നും നിഷ്ക്കര്‍ഷിക്കാത്ത ഈ നിയമം 'ബൈ ട്രാന്‍സ്ഫര്‍' എന്ന ഓമന പേരില്‍ അറിയപ്പെടുന്നു. സര്‍ക്കാരില്‍ തന്നെയുള്ള ചില പ്രബല ശക്തികള്‍ പണ്ടെങ്ങോ അടിച്ചെടുത്ത ഒരു നിയമം.

ഇങ്ങനെ ഒരു നിയമം ഉണ്ടാക്കി വച്ചത് അധ്യാപന പരിശീലനം തൊഴില്‍മേഖലയായി തിരഞ്ഞെടുത്ത, യോഗ്യതയുള്ള ഉദ്യോഗാര്‍ധികളുടെ വയറ്റത്തടിക്കുകയാണ് ചെയ്തത്. കോളേജിയെറ്റ് എജ്യൂകേഷന്‍ വകുപ്പാണെങ്കില്‍ ട്രെയിനിംഗ് കോളേജുകളിലെ തസ്തികകള്‍ ഒറ്റയടിക്ക് പി.എസ.സിക്ക് അറിയിക്കുകയും ചെയ്യാറില്ല. ഘട്ടം ഘട്ടമായി തസ്തികകള്‍ പി.എസ്.സിയെ അറിയിച്ചു അപേക്ഷ ക്ഷണിക്കുമ്പോള്‍ ക്യാറ്റഗറി ഒന്നില്‍ തന്നെ (സര്‍കാരില്‍ ജോലി ചെയ്യുന്ന ഉദ്യോഗാരധിക്ക്) ജോലി കിട്ടും. ബാക്കി പൊതുലിസ്റ്റില്‍ ഉദ്യോഗാരധിക്ക് കിട്ടാന്‍ പോസ്റ്റ്‌ ഒന്നും റിപ്പോര്‍ട്ട്‌ ചെയ്തിട്ടുണ്ടാവില്ല.

വിദ്യാഭ്യാസ വകുപ്പുകളും സര്‍ക്കാരുകളും അധ്യാപക പരിശീലനം ഒരു പാഴ്വേല എന്ന മട്ടിലാണ് കണക്കാക്കുന്നത്. അധ്യാപക പരിശീലനം മികച്ചതല്ലെങ്കില്‍ അത് സ്കൂള്‍ ടീച്ചര്‍മാരുടെ നിലവാരതകര്‍ച്ചക്ക് കാരണമാവും. ഈ നാട്ടിലെ കുട്ടികള്‍ക്ക് ഒരിക്കലും ലോകോത്തര നിലവാരത്തിലുള്ള വിദ്യാഭ്യാസം നല്‍കാന്‍ നല്ല പരിശീലനം ലഭിക്കാത്ത അധ്യാപകര്‍ക്ക് സാധിക്കില്ല. വിദ്യാഭ്യാസ നിലവാരം ഉയര്‍ത്തുവാന്‍ ആദ്യം ചെയ്യേണ്ടത് അധ്യാപകരുടെ ഈറ്റില്ലമായ അധ്യാപക പരിശീലന കേന്ദ്രങ്ങള്‍ മെച്ചപ്പെടുത്തുകയാണ്. എന്നാല്‍ ഇന്നത് 'അധ്യാപക പരിശീലന കച്ചവട' കേന്ദ്രങ്ങള്‍ ആയി മാറിയിരിക്കുന്നു. അധ്യാപക പരിശീലകര്‍, അഥവാ ടീച്ചര്‍മാരുടെ ടീച്ചര്‍മാര്‍, ഈ സ്ഥാപനങ്ങളിലെ കൂലിഅധ്യാപകരും.

മൊത്തം ഇരുനൂറ്റി മുപ്പതോളം കോളേജുകളില്‍ ആയി ഇരുപത്തിമുവായിരത്തിലധികം അധ്യാപക വിദ്യാര്‍ഥികള്‍ കേരളത്തിലെ ബി.എഡ് കോളേജുകളില്‍ നിന്നും ഓരോ വര്‍ഷവും പഠിച്ച്‌ ഇറങ്ങുന്നു. ഏകദേശം രണ്ടായിരത്തി മുന്നൂറു ‌‌അധ്യാപകര്‍ ഈ കോളേജുകളില്‍ ജോലി ചെയ്യുന്നുണ്ട്. എന്‍.സി.ടി.ഇ. നിഷ്ക്കര്‍ശിച്ച യോഗ്യത ഉള്ളവരാണ് മിക്കവരും. കേരളത്തില്‍ തൊണ്ണൂറു ശതമാനവും സ്വകാര്യ-സ്വാശ്രയ കോളേജുകള്‍ ആണ്.

യു. ജി. സി. സ്കെയിലില്‍ ശമ്പളം വാങ്ങുന്നവര്‍ക്ക് ഇടയ്ക്കിടെ ഡി.എ. യും ഇങ്ക്രിമെന്റും ഉണ്ടാവുമ്പോള്‍ സ്വാശ്രയ-സ്വകാര്യ അധ്യാപക പരിശീലകര്‍ക്ക് ഇതൊന്നും ഇല്ല. വാര്‍ഷിക വര്‍ധനവായി നൂറോ ഇരുനൂറോ രൂപ കൂട്ടികൊടുത്താലായി. അസുഖം വന്നാലോ മറ്റോ ലീവ് എടുത്താല്‍ തിരിച്ചു ചെല്ലുമ്പോള്‍ ജോലി ഉണ്ടാവില്ല. പ്രസവത്തിനു പോയി വന്നാലും അങ്ങിനെ തന്നെ. മനുഷ്യാവകാശം എന്ന പദം സര്‍ക്കാര്‍ സ്ഥാപനത്തില്‍ ജോലി ചെയ്യുന്നവര്‍ക്കും പിന്നെ പണവും സ്വാധീനവും ഉള്ള എയിടെഡ് സ്ഥാപനങ്ങളിലെ അധ്യാപകര്‍ക്കും മാത്രം.

2001-ല്‍ എന്‍.സി.ടി.ഇ.യുടെ നിര്‍ദേശപ്രകാരം സര്‍ക്കാര്‍ സ്കെയിലില്‍ അടിസ്ഥാന ശമ്പളം ആയിരുന്ന എണ്ണായിരം രൂപ ആക്കിയ ശമ്പളം അധികമൊന്നും ഇതുവരെ കൂട്ടിയിട്ടില്ല ആര്‍ക്കും. എന്‍.സി.ടി.ഇ. യും മടുത്തു പോയ മട്ടാണ്. അവരും ഇപ്പോള്‍ മിണ്ടുന്നില്ല. യോഗ്യതയുള്ള ടീച്ചര്‍മാര്‍ക്ക് അവരായിരുന്നു ഒരു രക്ഷ.

സ്ഥിരജോലിയുള്ള അധ്യാപകരെ നിയമിക്കുന്ന കോളേജുകള്‍ക്ക് മാത്രമേ അംഗീകാരം കൊടുക്കുകയുള്ളൂ എന്ന് പറയുന്ന എന്‍.സി.ടി.ഇ.യുടെ കണ്ണില്‍ പൊടിയിടാന്‍ സ്വകാര്യ സ്ഥാപനങ്ങള്‍ സ്ഥിരം ജോലിക്കുള്ള ഉത്തരവ് എന്ന മട്ടില്‍ നിയമ സാധുത ഉണ്ടോ എന്ന് പറയാന്‍ പറ്റാത്ത നിയമന ഉത്തരവുകള്‍ അവരുടെ സ്ഥാപനങ്ങളില്‍ ജോലി ചെയ്യുന്ന അധ്യാപകര്‍ക്ക് കൊടുക്കുന്നു. അത് എന്‍.സി.ടി.ഇ. കണ്ണുമടച്ച് വിശ്വസിക്കുന്നു. അംഗീകാരം കൊടുക്കുന്നു. എന്നുവച്ച് പിരിച്ചു വിടാതെ ഇരിക്കാന്‍ ഉള്ള നിയമ പ്രാബല്യമുള്ള സ്ഥിരജോലി ഒന്നും അല്ല അത്. വെറും കണ്ണില്‍ പൊടിയിടല്‍.

എന്നാല്‍ സ്വകാര്യ സ്ഥാപനങ്ങളില്‍ ജോലി ചെയ്യുന്ന അധ്യാപകരെ അപേക്ഷിച്ച് കുറച്ചു കൂടി മെച്ചപ്പെട്ട സാഹചര്യം ഉള്ള യൂണിവേര്‍സിറ്റി ട്രെയിനിംഗ് സെന്ററുകളിലെ അധ്യാപകര്‍ കരാര്‍ അടിസ്ഥാനത്തിലാണ് ജോലി ചെയ്യുന്നത് എന്നതു കൊണ്ട് ഈ ട്രെയിനിംഗ് സെന്ററുകള്‍ക്ക് അംഗീകാരം കൊടുക്കാന്‍ എന്‍.സി.ടി.ഇ. ക്ക് മടി. യുണിവേര്‍സിറ്റി നേരിട്ട് നടത്തുന്ന സ്ഥാപനങ്ങളില്‍ എങ്കിലും സര്‍ക്കാര്‍ സ്കയിലില്‍ ശമ്പളം കൊടുക്കാന്‍ തയ്യാര്‍ ആവുന്നില്ല. അധ്യാപകര്‍ക്ക് കുറഞ്ഞ ശമ്പളം കൊടുക്കുന്നതില്‍ നിന്നും ഉണ്ടാവുന്ന ലാഭമാണ് എല്ലാ അധ്യാപക പരിശീലന കേന്ദ്രങ്ങളുടെയും ലാഭം. സ്വകാര്യ ജാതി-മത എയിഡഡ് സ്ഥാപനങ്ങളില്‍ ജോലി ചെയ്യുന്ന അധ്യാപകര്‍ക്ക് സര്‍ക്കാര്‍ സേവന-വേതന വ്യവസ്ഥ അനുവദിക്കാന്‍ പണം ഉണ്ടെങ്കിലും യുണിവേര്‍സിറ്റി നേരിട്ട് നടത്തുന്ന സ്ഥാപനങ്ങളില്‍ അധ്യാപകര്‍ക്ക് അത് കൊടുക്കാന്‍ വയ്യ. ഇതാണ് സ്ഥിതി.

പിന്നെ അധ്യാപക പരിശീലന കേന്ദ്രങ്ങളുടെ പ്രാധാന്യം സര്‍ക്കാരിന്റെ വിദ്യാഭ്യാസ ബുദ്ധിജീവികള്‍ക്ക് ബോധ്യമായിട്ടും ഇല്ല. രണ്ടായിരത്തിലധികം വരുന്ന അധ്യാപക പരിശീലകരെ പുതിയ പാഠൃപദ്ധതികള്‍ സ്കൂളില്‍ നടപ്പാക്കുമ്പോള്‍ അതിന്റെ പരിശീലനവുമായി ബന്ധപ്പെടുത്താനോ ഒന്നും സര്‍ക്കാര്‍ ശ്രദ്ധിക്കാറില്ല. എന്നാല്‍ ബി. എഡ് കോഴ്സിന്റെ പരീക്ഷാ പേപ്പര്‍ നോക്കാന്‍ സ്വകാര്യ-സ്വാശ്രയ ബി.എഡ് കോളേജ് ടീച്ചര്‍മാരെ സര്‍ക്കാരിന് ആവശ്യമുണ്ട്. വിശ്വാസമുണ്ട്. അല്ലെങ്കില്‍ പിന്നെ ഇരുനൂറിലേറെ കോളേജുകളിലെ ഉത്തര കടലാസുകള്‍ ആര് നോക്കും? പരീക്ഷകളുടെ മേല്‍നോട്ടത്തിനും ഇവരെ വിളിക്കും. പി.എസ്‌.സിയും ഈ സ്വകാര്യ -സ്വാശ്രയ കോളേജുകളിലെ അധ്യാപകരുടെ യോഗ്യത അംഗീകരിച്ചിട്ടുണ്ട്. എന്‍. സി.ടി.യും അംഗീകരിച്ചതാണല്ലോ അവരുടെ യോഗ്യതകള്‍. എന്നാല്‍ സര്‍ക്കാര്‍ ബി.എഡ് കോളേജുകളില്‍ അധ്യാപകരെ എടുക്കുവാന്‍ തുടങ്ങുമ്പോള്‍ മാത്രം ഇവര്‍ക്ക്‌ അസ്പര്‍ശ്യത കല്‍പ്പിക്കുന്നു. സര്‍ക്കാരില്‍ ജോലി ഉള്ളവര്‍ കഴിഞ്ഞു ബാക്കി ഉണ്ടെങ്കില്‍ മതി സ്വകാര്യ-സ്വാശ്രയ കോളേജ് അധ്യാപകര്‍ക്ക് എന്നാണ് സ്ഥിതി. കേരളത്തില്‍ അധ്യാപക പരിശീലനം നടക്കണമെങ്കില്‍ ഇവര്‍ വേണം. എന്നാല്‍ അവരുടെ ശമ്പളമോ സേവന വ്യവസ്ഥയോ ഒന്നും അന്വേഷിക്കാന്‍ വിദ്യാഭ്യാസ വകുപ്പിന് സമയമില്ല. ഒരു തരം ആധുനിക ജന്മിത്തം പാലിക്കപ്പെടുകയാണിവിടെ.

അധ്യാപക പരിശീലനത്തിനെ ലഘൂകരിച്ച് കാണുന്നത് അധ്യാപകരുടെ നിലവാരത്തിനെ ബാധിക്കുകയും സ്കൂള്‍ വിദ്യാഭ്യാസം മെച്ചപ്പെടുത്താനുള്ള സര്‍ക്കാരിന്റെ ലക്ഷ്യത്തിനെ പിറകോട്ടു വലിക്കുകയും ചെയ്യും

യൂനിവേഴ്‌സിറ്റി ബി.എഡ് സെന്ററുകളിലെ അധ്യാപകര്‍ക്ക് അവഗണന

http://www.madhyamam.com/news/108693/110813

യൂനിവേഴ്‌സിറ്റി ബി.എഡ് സെന്ററുകളിലെ അധ്യാപകര്‍ക്ക് അവഗണന

പേരാമ്പ്ര: വിദ്യാഭ്യാസ മേഖലയില്‍ സമഗ്ര പരിഷ്‌കാരം നടപ്പാക്കുമ്പോഴും കാലിക്കറ്റ് യൂനിവേഴ്‌സിറ്റിക്കു കീഴിലെ ബി.എഡ് സെന്ററുകളിലെ അധ്യാപകരെ അവഗണിക്കുന്നു. ജോലിസ്ഥിരതയില്ലാത്ത ഇവര്‍ വര്‍ഷങ്ങളായി കാരടിസ്ഥാനത്തിലാണ് ജോലി ചെയ്യുന്നത്.

സേവനവേതന വ്യവസ്ഥകള്‍ പരിതാപകരമാണ്. വാര്‍ഷിക വര്‍ധന തുച്ഛമായ 250 രൂപ മാത്രമാണ്. ചികിത്സ സഹായമോ പ്രസവാവധിയോ ഇല്ല. സര്‍ക്കാര്‍, എയ്ഡഡ് കോളജുകളിലെ സ്ഥിര അധ്യാപകര്‍ക്ക് നല്‍കുന്നതുപോലെ പ്രമോഷനോ പ്രഫ. അസി. പ്രഫ. സ്ഥാനപ്പേരുകളോ ഇവര്‍ക്ക് നല്‍കുന്നില്ല.

ഇവരുടെ പ്രവൃത്തി പരിചയം യൂനിവേഴ്‌സിറ്റിയിലെ മറ്റു നിയമനങ്ങളുടെ യോഗ്യതയായും അംഗീകരിച്ചില്ല. വിദ്യാഭ്യാസ പരിഷ്‌കാരങ്ങളുടെ ഭാഗമായുള്ള പരിശീലനങ്ങളൊന്നും യൂനിവേഴ്‌സിറ്റി സെന്ററുകളിലെ ബി.എഡ് അധ്യാപകര്‍ക്ക് നല്‍കുന്നില്ല.

കാലിക്കറ്റ് യൂനിവേഴ്‌സിറ്റിക്കു കീഴില്‍ വിവിധ ജില്ലകളിലായി ഇത്തരം 11 ബി.എഡ് സെന്ററുകളാണുള്ളത്.

ഇവിടെ പഠിപ്പിക്കുന്ന 90 ശതമാനം ആളുകളും ഉന്നത ബിരുദധാരികളാണ്. മിക്കവര്‍ക്കും യു.ജി.സി യോഗ്യതയുണ്ട്.

വിദ്യാഭ്യാസത്തില്‍ ഡോക്ടറേറ്റ് നേടിയവരും കുറവല്ല. ജില്ലയില്‍ കോഴിക്കോട് ബീച്ച്, വടകര, പേരാമ്പ്രക്കടുത്ത ചക്കിട്ടപ്പാറ എന്നിവിടങ്ങിലാണ് വാഴ്‌സിറ്റി സെന്ററുകളുള്ളത്. പാലക്കാട്, തൃശൂര്‍, മലപ്പുറം, വയനാട് ജില്ലകളിലായി ഒമ്പത് സെന്ററുകളും പ്രവര്‍ത്തിക്കുന്നു.

ഈ സെന്ററുകളിലെ ലൈബ്രേറിയന്‍, ക്ലര്‍ക്ക്, പ്യൂണ്‍ എന്നിവര്‍ സ്ഥിരം ജീവനക്കാരാണെന്നതാണ് കൗതുകകരം.

സ്‌കൂളുകളിലെ അധികമുണ്ടായിരുന്ന അധ്യാപകര്‍ക്ക് ജോലിസ്ഥിരത ഉറപ്പുവരുത്തിയ സര്‍ക്കാര്‍ ഉന്നത യോഗ്യതയുള്ള ബി.എഡ് സെന്ററുകളിലെ അധ്യാപകര്‍ക്ക് മികച്ച സേവനവേതന വ്യവസ്ഥകള്‍ നടപ്പാക്കാന്‍ യൂനിവേഴ്‌സിറ്റിയോട് ശിപാര്‍ശ ചെയ്യണമെന്നാണ് ഈ അധ്യാപകരുടെ ആവശ്യം.

University B.Ed Centers treat teachers as Coolies!